बंगळुरु- कर्नाटकचे माजी मुख्यमंत्री बी. एस. येडियुरप्पा यांची नातं डॉ. सौंदर्याने आत्महत्या केल्याची घटना घडली आहे. डॉ सौंदर्या ही येडियुरप्पा यांची लहान मुलगी पद्मा यांची मुलगी आहे. ती बेंगळुरू येथील तिच्या घरी गळफास घेतलेल्या अवस्थेत आढळून आली.
पोलिसांनी दिलेल्या माहितीनुसार, घरातील मदतनीस महिलेने बराच वेळ दरवाजा ठोठावला. मात्र दरवाजा न उघडल्याने तिने डॉ सौंदर्या यांचे पती डॉ. नीरजला फोन करून माहिती दिली. डॉ. नीरज हे घरी आल्यानंतर त्यांनी दरवाजा उघडला असता डॉ. सौंदर्या गळफास घेतलेल्या अवस्थेत आढळून आल्या.
डॉ सौंदर्या ही येडियुरप्पा यांची लहान मुलगी पद्मा यांची मुलगी आहे. बेंगळुरूच्या एम एस रमैया हॉस्पिटलमध्ये डॉक्टर होत्या. त्या पती डॉ. नीरज आणि 9 महिन्यांच्या मुलासोबत माउंट कार्मेल कॉलेजजवळील एका उच्चभ्रू अपार्टमेंटमध्ये राहत होती. तीन वर्षांपूर्वी त्यांचं लग्न झालं होतं. त्यांच्या आत्महत्येमागील कारण अद्याप समजू शकले नाही. मृत्यूचे कारण शोधण्यासाठी मृतदेह आता शवविच्छेदनासाठी सरकारी बोअरिंग रुग्णालयात पाठवण्यात आला.
या घटनेमुळे येडियुरप्पा यांच्या कुटुंबावर दुःखाचा डोंगर कोसळला आहे.
