या शनिवारी शनिष्चरी अमावस्या येथे आहे. अर्थात मौनी अमावस्या आणि शनिष्चरी अमावस्या यास विशेष महत्त्व आहे. नुकतेच शनीच्या मूळ त्रिकोणी चिन्ह कुंभ राशीत प्रवेश केला आहे. त्यामुळे या शनीश्चरी अमावस्येला शनीची कृपा मिळवण्यासाठी विशेष साधना केल्याने नक्की फायदा होईल.
माघ महिन्याच्या कृष्ण पक्षातील अमावस्या तिथी शनिवार दिनांक 21 जानेवारी रोजी सकाळी सहा वाजून 17 मिनिटांपासून सुरू होणार असून ते रविवारी अर्थात 22 जानेवारी रोजी पहाटे 2:22 पर्यंत अमावस्या चालेल. या मौनी अमावस्येच्या दिवशी गंगेत स्नान केल्याचे विशेष फायदे आहेत. तसेच शनिवारी सकाळी लवकर स्नान करून दान, दर्पण आणि मनोभावे पूजा केल्याने शनि देवाची अपार कृपा मिळून सर्व संकटे नक्कीच दूर होतात.
जर शनीची महादशा सुरू असेल , तसेच पितृदोष असतील तर अमावस्येच्या दिवशी आपल्या पितरांच्या आत्म्याच्या शांतीसाठी श्राद्ध आणि तर्पण करावे यांनी पितरांचे आशीर्वाद मिळतात. जर तर्पण करता येत नसेल तर, घरीच तांदळाची खीर बनवा आणि काही भाग हा घराच्या टेरेसवर किंवा गॅलरीमध्ये पक्ष्यांसाठी ठेवा
शनिवारी पिंपळाच्या झाडाखाली मोहरीच्या तेलाचा दिवा लावता आलाच तर उत्तम यामुळे प्रगतीत येणारे अडथळे दूर होतील.
