पुणे : काल मध्यराञी १२•४६ वाजता (दिनांक ११•१०•२०२२ रोजी) हडपसर, साडेसतरा नळी, हॉटेल तिरुमला भवन फुड कॉर्नर येथे आग लागल्याची वर्दि अग्निशमन दलाच्या नियंत्रण कक्षात आली असता हडपसर अग्निशमन केंद्रातील अग्निशमन वाहन तातडीने रवाना करण्यात आले.
घटनास्थळी पोहोचताच जवानांनी हॉटेलमधे आग लागल्याचे पाहताच किचनमधील एक स्फोट झालेला सिलेंडर बाहेर काढत इतर सहा सिलेंडर ही सुरक्षित ठिकाणी हलविले व होज पाईपचा वापर करीत पाणी मारुन आगीवर पाचच मिनिटात नियंत्रण मिळवले. या घटनेत कोणी जखमी वा जिवितहानी झाली नाही.
किचनमधे गॅस सिलेंडर लिकेज होऊन एका सिलेंडरचा स्फोट झाला व आग लागली असे अग्निशमन दलाने सांगितले. अग्निशमन दलाचे जवान वेळेवर पोहोचत सहा सिलेंडर तत्परतेने सुरक्षित ठिकाणी हलविल्याने मोठा अनर्थ टळला. हॉटेलमधील टेबल, खुर्ची, इलेक्ट्रीक वायरिंग व अन्य वस्तू जळाल्या आहेत.
या कामगिरीत हडपसर अग्निशमन केंद्र अग्निशमन अधिकारी प्रमोद सोनावणे, वाहन चालक सुखराज दाभाडे, फायरमन गणेश पवळ, बापुसाहेब अढाळगे व मदतनीस अनिकेत तारू, नितेश डगळे यांनी सहभाग घेतला.