नवी दिल्ली- भारतात कोरोना संसर्गाची तिसरी लाट कायम आहे. मात्र सलग तिसऱ्या दिवशी देशात दैनंदिन रुग्णवाढीत घट झाल्याचं आशादायक चित्र पाहायला मिळालं आहे. गेल्या 24 तासांत देशात 3 लाख 6 हजार 64 नवीन कोरोना रुग्णांची नोंद झाली आहे. दरम्यान, नागपुरात ओमायक्रॉनचे तीन म्युटेशन आढळून आले आहेत. निरी या संशोधन संस्थेच्या अहवालात ही बाब उघड झाली आहे.
भारतात काल कोरोना विषाणूसाठी 14 लाख 74 हजार 753 नमुने तपासण्यात आले, ज्यामध्ये 20.75 टक्के लोकांना संसर्ग झाल्याचे आढळले. चांगली बाब म्हणजे गेल्या 24 तासांत दोन लाख 43 हजार 495 बरे झाले आहेत. आदल्या दिवशी कोरोनाबाधितांचा आकडा गेल्या 24 तासांत 3 लाख 33 हजार इतका होता.
दरम्यान, नागपुरात ओमायक्रॉनचे तीन म्युटेशन आढळून आले आहेत. निरी या संशोधन संस्थेच्या अहवालात ही बाब उघड झाली आहे. यानंतर नागपुरात चिंतेचं वातावरण पसरलं आहे. यात B.1.1. 529, B1, B2 या तीन म्युटेशनची नोंद झाली आहे. संशोधनाच्या चौथ्या टप्प्यात 89 नमुन्याची जिनोम सिक्वेन्सी करण्यात आली. त्यात 66.2 नमुना ओमायक्रॉनच्या B2 चे नमुने आढळले तर 31.5 टक्के B.1.1.529 चे आणि 2.3 हे B1 चे नमुने आढळले.
कोरोनाची ताजी आकडेवारी-
एकूण कोरोना रुग्ण : 3 कोटी 95 लाख 43 हजार 328
सक्रिय प्रकरणे: 22 लाख 49 हजार 335
एकूण वसुली : 3 कोटी 68 लाख 4 हजार 145 रु
एकूण मृत्यू : 4 लाख 89 हजार 848
एकूण लसीकरण : 162 कोटी 26 लाख 7 हजार 516
