ठाणे : खासदार संजय राऊत यांनी मुख्यमंत्री एकनाथ शिंदे यांचे चिरंजीव आणि खासदार श्रीकांत शिंदे यांच्या विरोधात गंभीर आरोप केले आहेत. खासदार श्रीकांत शिंदे यांनी हल्ला करण्यासाठी ठाण्यातील एका गुंडास सुपारी दिली असल्याचे थेट पत्रच त्यांनी राज्याचे गृहमंत्री देवेंद्र फडणवीस आणि केंद्रीय गृहमंत्री अमित शहा यांना दिले होते. यानंतर आता संजय राऊत यांनी श्रीकांत शिंदे यांची प्रतिमा मलीन करण्याचा डाव असल्याचा आरोप मीनाक्षी शिंदे यांनी केला आहे.
दरम्यान संजय राऊत यांच्या विरोधात कापूर बावडी पोलीस ठाण्यात गुन्हा दाखल करण्यात आला आहे.
संजय राऊत यांनी पत्रात लिहिले होते की, ठाण्यातील एक कुख्यात गुंड राजा ठाकूर यास माझ्याव हल्ला करण्याची सुपारी श्रीकांत शिंदे यांनी दिली असल्याचा आरोप संजय राऊत यांनी केला होता. यावर आता ठाणे पोलिसांनी थेट नाशिकमध्ये जाऊन संजय राऊत यांचा जबाब देखील नोंदवून घेतला आहे. संजय राऊत सध्या नाशिक दौऱ्यावर आहेत.
काय म्हणाले मुख्यमंत्री एकनाथ शिंदे
संजय राऊत यांनी केलेल्या आरोपांवर मुख्यमंत्री एकनाथ शिंदे म्हणाले की, “सहानुभूती मिळवण्यासाठी हा सर्व खटाटोप सुरू आहे. श्रीकांत शिंदे यांच्यावर संजय राऊत यांनी केलेले धमकीचे आरोप हे फक्त कायदा सुव्यवस्था बिघडवण्यासाठी आणि स्वतःला प्रसिद्धी मिळवण्यासाठी केलेला स्टंट आहे. याची सखोल चौकशी गृह विभागामार्फत होईल.” असं यावेळी मुख्यमंत्र्यांनी स्पष्ट केला आहे.
