मुंबई : शिवसेना कोणाची आणि धनुष्यबाण कोणाचा हा पेचाचा प्रश्न निवडणूक आयोगाने अखेर पूर्णतः मार्गी लावला आहे. नुकत्याच मिळालेल्या माहितीनुसार शिंदे गटाला ‘बाळासाहेबांची शिवसेना’ हे नाव मिळाल असून त्यांना ‘ढाल आणि तलवार’ हे पक्ष चिन्ह निश्चित करण्यात आल आहे.
काल उद्धव ठाकरे यांच्या गटाला ‘मशाल’ हे चिन्ह देण्यात आलं आणि शिंदे गटास पक्ष चिन्हासाठी पर्याय मागवण्यात आले होते. शिंदे गटाने आज सकाळीच तीन पर्याय एका मेल द्वारे आणि आणखीन एका मेल द्वारे तीन पर्याय असे एकूण सहा पर्याय निवडणूक आयोगाला सुचवले होते. यामध्ये पहिल्या मेल मध्ये त्यांनी शंख, तुतारी आणि रीक्षा हे पर्याय सुचवले होते. तर दुसऱ्या मेलमध्ये ढाल-तलवार, सूर्य आणि पिंपळाच झाड हे तीन चिन्ह आयोगासमोर ठेवण्यात आले होते.
यापैकी आता शिंदे गटाला अर्थात बाळासाहेबांच्या शिवसेनेला ढाल-तलवार हे पक्ष चिन्ह निश्चित करण्यात आल आहे. तर उद्धव ठाकरे यांच्या गटाला त्रिशूल ,उगवता सूर्य आणि मशाल या पर्यायांपैकी मशाल हे चिन्ह निश्चित करण्यात आल आहे.
ठाकरे गट अर्थात शिवसेना उद्धव बाळासाहेब ठाकरे हे नाव निश्चित करण्यात आलं असून मशाल हे पक्ष चिन्ह यापुढे असणार आहे.
