मुंबई : बॉलीवूडचे प्रसिद्ध लेखक, दिग्दर्शक, अभिनेते सतीश कौशिक यांचं आज सकाळी निधन झालं आहे. सतीश कौशिक यांनी वयाच्या 67 व्या वर्षी अखेरचा श्वास घेतला. बॉलिवूड अभिनेते अनुपम खेर यांनी एक ट्विट करून याविषयी माहिती दिली आहे.
अनुपम खेर यांनी लिहिलं आहे की, “मृत्यू हे या जगाचं शेवटचं सत्य आहे. पण मी माझा जिवलग मित्र सतीश कौशिक बद्दल असं लिहीन असं स्वप्नातही वाटलं नव्हतं. 45 वर्षाच्या मैत्रीला असा अचानक पूर्णविराम … ओम शांती ! या ट्वीट सोबत त्यांनी अभिनेत्यासोबतचा एक फोटो देखील पोस्ट केला आहे.
सतीश कौशिक यांनी बॉलीवूडमध्ये आज पर्यंत अनेक दिग्गज कलाकृतींचे लेखन, दिग्दर्शन आणि अनेक चित्रपटांमध्ये अभिनय देखील केला आहे.
