पुणे : पुण्यातील कसबा मतदार संघाची भाजपची उमेदवारी आज जाहीर झाली असून, कसबा पोटनिवडणुकीसाठी पुणे महापालिकेचे स्थायी समिती अध्यक्ष राहिलेले हेमंत रासने यांना उमेदवारी जाहीर झाली आहे.
कसबा पोट निवडणुकीसाठी इच्छुकांची मोठी यादी असताना भाजप कोणाला उमेदवारी देणार यावर तर्कवितर्क लडवले जात असतानाच काल उपमुख्यमंत्री देवेंद्र फडणवीस यांनी दिवंगत आमदार मुक्ता टिळक यांचे पती शैलेश टिळक यांची भेट घेतली.
शुक्रवारी रात्री टिळक वाड्यात उपमुख्यमंत्री देवेंद्र फडणवीस यांनी शैलेश टिळक यांची भेट घेऊन चर्चा केली होती. त्यानंतर टिळक घरात उमेदवारी देण्यात येणार नाही ही गोष्ट स्पष्ट झाली असताना, आता हेमंत रासने यांना भाजपने उमेदवारी जाहीर केली आहे.