मुंबई : मुंबई सत्र न्यायालयाने आज नवाब मलिक यांचा जामीन अर्ज फेटाळून लावला आहे. राष्ट्रवादीचे नेते आणि माजी मंत्री नवाब मलिक यांच्या जामीन अर्जावर आज सुनावणी झाली.
दरम्यान गोवावाला कंपाउंड मधील मुनिरा प्लंबर या महिलेची तीन एकर जमीन सलीम पटेल, हसीना पारकर, सरदार खान आणि नवाब मलिक यांनी कट रचून हडपल्याचा आरोप आहे. या प्रकरणामध्ये संबंधित महिलेने 1999 साली सलीम पटेल या व्यक्तीच्या नावे पॉवर ऑफ अटरने केली होती. पटेल याने पॉवर ऑफ अटर्नीचा गैरवापर करून हसीना पारकरच्या म्हणण्याप्रमाणे गोवा वाला कंपाउंडची जमीन नवाब मलिक यांच्या सॉलिडस इन्व्हेस्टमेंट प्रायव्हेट लिमिटेड कंपनीला विक्री केली होती.
परंतु हे सर्व आरोप नवाब मलिक यांनी फेटाळून लावले असून, ही जमीन खरेदी कायदेशीर रित्या केल्याचा दावा त्यांनी केला आहे. तथापि कोणतेही सबळ पुरावे मिळाले नसल्याकारणाने नवाब मलिक यांना अद्याप देखील या प्रकरणात दिलासा मिळाला नसून मुंबई सत्र न्यायालयाने त्यांचा जामीन अर्ज फेटाळला आहे.