परदेशात नोकरी करायचीये ? परदेशात नोकरी करण्यासाठी सोशल साइट्सचा वापर करताय ? तुम्हाला परदेशात नोकरी मिळवून देण्यासाठी मी मदत करतो, अशा प्रलोभनाला भूलताय ? मग सावधान ! तुमची आर्थिक फसवणूक होऊ शकते. परदेशात नोकरी देण्याच्या बहाण्यानं आर्थिक गंडा घालणाऱ्या टोळीविषयी सावध करणारा Top News Marathi चा हा स्पेशल रिपोर्ट एकदा पाहाच…
एखादी संस्था किंवा व्यक्ती परदेशात नोकरी मिळवून देण्यासाठी पैशांची मागणी करत असेल तर आपली फसवणूक होतेय हे लक्षात घ्या. कोणतीही परदेशी कंपनी नोकरी मिळवून देण्यासाठी पैशांची मागणी करत नाही. परदेशात जाऊन स्वतःच्या मेहनतीनं जर तुम्ही पैसे कमावणार असाल तर त्यासाठी कोणत्याही खाजगी संस्थेला पैसे देण्याची गरज नाही. शिवाय तुम्ही कमावलेली कमाई ही केवळ तुमचीच आहे. परदेशातील नोकरीचं आमिष दाखवून पैसे मिळाल्यावर संस्थेकडून नंतर फसवणूक होण्याची शक्यता अधिक असते. तेव्हा परदेशातील नोकरीसाठी कुणालाही पैसे देऊ नका.
परदेशात चांगल्या पगाराची नोकरी मिळवून देतो, असं आमिष दाखवून चौघांनी मिळून अनेकांना गंडा घातल्याचा प्रकार पुण्यात उघडकीस आलाय. या प्रकरणी लष्कर पोलीस ठाण्यात गुन्हा दाखल करण्यात आला असून अनेकांची फसवणूक झाल्याचीही शक्यता आहे. या प्रकरणाविषयी लष्कर पोलीस ठाण्याचे वरिष्ठ पोलीस निरीक्षक अशोक कदम आणि पोलीस निरीक्षक प्रियांका शेळके यांनी काय माहिती दिलीये पाहूयात…
नोकरीसंदर्भात सोशल मीडियावर आलेल्या जाहिराती नीट तपासून खात्री करून घ्या आणि पैशांची देवाणघेवाण करताना कुणावरही पटकन विश्वास ठेवू नका. अन्यथा तुमची आर्थिक फसवणूक होऊ शकते.
परदेशात चांगल्या पगाराची नोकरी मिळवून देतो, असं आमिष दाखवून चौघांनी मिळून अनेकांना गंडा घातल्याचा प्रकार उघडकीस आलाय. या प्रकरणी लष्कर पोलीस ठाण्यात गुन्हा दाखल करण्यात आला असून अनेकांची फसवणूक झाल्याची शक्यता आहे.
नोकरीसंदर्भात सोशल मीडियावर आलेल्या जाहिराती नीट तपासून खात्री करून घ्या आणि पैशांची देवाणघेवाण करताना कुणावरही पटकन विश्वास ठेवू नका. अन्यथा आर्थिक फसवणूक होऊ शकते.