‘एटीएम’ बँकिंग इतिहासातील सर्वात मोठी देणगीच म्हणावी लागेल.बँक आपल्या खातेदारांना एक कार्ड देते जे त्या बँकेच्या एटीएम मशीन मध्ये टाकून आणि पिन कोड टाकून ग्राहक आपले पैसे काढू शकतो. मात्र आजकाल कार्डद्वारे तुम्ही कोणत्याही बँकेच्या एटीएम मधून पैसे काढू शकता. पैसे काढण्यासाठी एटीएम पिन चार अंकीच का असते याबाबत आपल्याला कदाचित माहिती नसावी.
स्कॉटिश शास्त्रज्ञ जॉन एड्रियन शेफर्ड बॅरन जगातील एटीएम मशीनचे शोधक. जॉन यांनी 1969 मध्ये एटीएम मशीनचा शोध लावला आज डिजिटल पेमेंट आणि मोबाईल बँकिंग युग असले तरी एटीएम मशीनची लोकप्रियता आजही कायम आहे. जॉनशी संबंधित एक अतिशय आश्चर्यकारक गोष्ट म्हणजे त्यांचा जन्म भारतातील शिलॉंग शहरात झाला.
जॉन जेव्हा एटीएम मशीन बनवत होते आणि त्यात कोडींग सिस्टम लावत होते. तेव्हा जॉन यांना सुरुवातीला ते 6 अंकी बनवायचे होते अशा परिस्थितीत जेव्हा त्यांनी पत्नी कॅरोलिनला एटीएम वापरण्यास दिले.तेव्हा कॅरोलिन वारंवार 2 अंक विसरली आणि तिला नेहमी 4 अंक आठवत होते. त्यामुळे जॉन यांचा अंदाज होता की सरासरी मानवी मेंदू 6 ऐवजी फक्त 4 अंक लक्षात ठेवण्यास सक्षम आहे.
यानंतर जॉन यांनी एटीएम पिन 6 अंकाऐवजी 4 अंकी केला. तथापि, 6 अंकी पिन ठेवण्यामागे जॉनचा हेतू आहे तो एटीएम सुरक्षित करण्याचा होता. 4 अंकी एटीएम पिन 0000 ते 9999 पर्यंत असतो. यापैकी 20 टक्के क्रमांक अगदी सहजपणे हॅक केले जाऊ शकतात. तथापि, 4 अंकी पिन देखील अधिक सुरक्षित आहेत परंतु 6 अंकी पिन पेक्षा कमी सुरक्षित आहेत. तुम्हाला हे जाणून आश्चर्य वाटेल की आजही जगातील अनेक देशांमध्ये 6 अंकी एटीएम पिन वापरला जातो.
