पुणे- विद्यार्थ्यांना घेऊन जाणाऱ्या रिक्षाला भरधाव पिकअपने पाठीमागून धडक दिल्याने झालेल्या अपघातात चालकासह १० विद्यार्थी जखमी झाले. हा अपघात पुणे सोलापूर महामार्गावर उरळीकांचन येथे आज, सोमवारी सकाळी १० वाजता घडला.
बोरीभडक (ता. दौंड ) येथून ही रिक्षा उरळीकांचनच्या शाळेत विद्यार्थ्यांना घेऊन जात होती. संदीप कोळपे असे रिक्षाचालकाने नाव आहे. तर अंकुश येलभारे, मानसी कोळपे, भक्ती शिंदे, वैष्णवी गव्हाणे, तनुजा कोळपे, मयुरी शिंदे, अमर शिंदे, हर्षल वाघमारे (सर्व रा. बोरीभडक (ता. दौंड ) अशी जखमी झालेल्या विद्यार्थ्यांची नावे आहेत. ९ विद्यार्थी हे महात्मा गांधी महाविद्यालयातील तर एक विद्यार्थिनी स्वामी विवेकानंद विद्यालयात इयत्ता आठवीत शिकत आहे.
जखमी विद्यार्थ्यांवर उरळीकांचन येथील खासगी रुग्णालयात उपचार सुरु आहेत. सर्व विद्यार्थी सुखरूप असून एका विद्यार्थ्यांचा पाय फ्रॅक्चर झालेला आहे.
