महाबळेश्वर : महाबळेश्वर तालुक्यातील मुकदेव गावानजीकच्या घाटात मजुरांना घेवून जाणाऱ्या टेम्पोला अपघात झालाय. आज सकाळी 8 च्या सुमारास हा अपघात झाला. या टेम्पोतून 40 मजूर प्रवास करत असल्याची प्राथमिक माहिती समोर आलीये. टेम्पोतील मजूर बुलढाणा व अकोला भागातील आहेत. अपघातातील जखमींना सह्याद्री ट्रेकर्सचे जवान बचाव कार्यासाठी मदत करत आहेत.
महाबळेश्वर जवळ घाटात टेम्पो पलटी : 40 मंजूर pic.twitter.com/1wecghZaTf
— Vishal Vaman Patil (@VishalVamanPat1) January 14, 2023
घटनास्थळावरून मिळालेली माहितीनुसार, महाबळेश्वर-तापोळा मार्गावर हा अपघात झालाय. मजूरांना घेवून निघालेला हा टेम्पो घाटातील तीव्र उतारावरून कोट्रोशी पुलाजवळ उलटला. जखमींमध्ये लहान मुलांचाही समावेश आहे. काही जखमींना तळदेव येथे तर काहींना महाबळेश्वर ग्रामीण रुग्णालयात उपचारासाठी दाखल करण्यात आलं असून गंभीर जखमी असलेल्या दोन लहान मुलांना उपचारासाठी सातारा येथे हलवण्यात आलंय.
