व्हॉट्सअ‍ॅपवर (WhatsApp New Feature) आजकाल स्पॅम कॉल्सचे (Spam Calls) प्रमाण खूप वाढले आहे. या कॉल्समुळे फसवणुकीमध्ये (Fraud) मोठ्या प्रमाणात वाढ झाली आहे. व्हॉट्सअ‍ॅपवर (WhatsApp New Feature) व्हिडिओ कॉल करून, सेक्स्टॉर्शनला बळी पाडण्याचे प्रमाण देखील खूप वाढले आहे. आता अनोळखी नंबरवरुन येणाऱ्या कॉलपासून होणारा त्रास आता कमी होणार आहे. यासाठी व्हॉट्सअ‍ॅपकडून एक जबरदस्त फिचर लॉंच करण्यात आले आहे.
काय आहे फिचर ?
काही दिवसांपूर्वी हे फीचर व्हॉट्सअ‍ॅपच्या केवळ बीटा व्हर्जनवर उपलब्ध होते. मात्र, आता कंपनीने आपल्या सर्व अँड्रॉईड आणि अ‍ॅपल यूजर्ससाठी हे फीचर लाँच केलं आहे. याच्या मदतीने येणारे स्पॅम किंवा अनोळखी कॉल्स तुम्हाला सायलेंट करता येणार आहेत.
भावा मित्र नाही पैसा कमव! हॅकरने तरुणाला दिला महत्वाचा सल्ला
अशी करा सेटिंग
हे फीचर सुरू करण्यासाठी तुम्हाला सगळ्यात आधी तुम्हाला व्हॉट्सअ‍ॅप (WhatsApp New Feature) उघडावे लागेल. यानंतर सेटिंग्समध्ये जाऊन प्रायव्हसी या पर्यायावर क्लिक करा. यावर क्लिक केल्यानंतर तुम्हाला कॉल्स हा ऑप्शन दिसेल. कॉल्स पर्यायावर क्लिक केल्यानंतर तुम्हाला Silence Unknown Calls हा पर्याय दिसेल. यावर क्लिक करून तुम्ही अनोळखी कॉल बंद करू शकता. सायलेंट अननोन कॉल्स हा पर्याय बाय डिफॉल्ट बंद असणार आहे. त्यामुळे तुम्हाला सेटिंग्समध्ये जाऊन हा पर्याय सुरू करावा लागेल. ही सेटिंग केल्यानंतर तुम्हाला अनोळखी नंबरवरुन येणारे सर्व कॉल्स सायलेंट होतील. यामुळे विनाकारण या कॉल्सपासून होणारा त्रास कमी होणार आहे.
Whatspp ने सुरु केले ‘हे’ नवीन फीचर्स; सेंड केलेला मेसेज करता येणार एडिट
अ‍ॅप करा अपडेट
तुम्हाला जर सेटिंग्समध्ये हा पर्याय दिसत नसेल, तर तुमचं व्हॉट्सअ‍ॅप (WhatsApp New Feature) अपडेट आहे की नाही हे तपासून घ्या. जर अपडेट नसेल तर व्हॉट्सअ‍ॅपचं लेटेस्ट व्हर्जन इन्स्टॉल करा त्यानंतर तुम्हाला हे फिचर दिसेल.
