माणसाने आज तंत्रज्ञान क्षेत्रात मोठी प्रगती केली आहे. स्मार्टफोन आणि 4जी, 5जीच्या जगात माणूस अनेक नवीन अविष्कार करत आहे. आजच्या काळात मोबाईल हे अत्यंत महत्त्वाचे साधन बनले आहे. मोबाईल आणि इंटरनेटमुळं बँकेचे व्यवहार काही क्षणात होतात. त्यामुळे आपला बराचसा वेळदेखील वाचतो. मोबाईलमुळं काम सोप्पे झाले असले तरी तेवढीच आव्हाने देखील वाढले आहेत. सायबर क्राइम आणि सायबर चोरट्यांच्या सुळसुळाट झाला आहे. कधीकधी अनेकांना स्पॅम कॉल (Spam Call) आणि फ्रॉड कॉल (Fraud Call) येतात. सतत येणाऱ्या या कॉल्समुळे अनेकजण वैतागतात. पण हे कॉल्स बंद कसे करायचे असा प्रश्न अनेकांना सतावत असतो. तर हे कॉल्स बंद कसे करायचे याबद्दल आज आपण जाणून घेणार आहोत…
स्टेप 1
स्पॅम किंवा फ्रॉड कॉल्सपासून सुटका मिळवण्यासाठी तुम्ही तुमच्या फोनमध्ये असलेले डु नॉट डिस्टर्ब म्हणजेच डीएनडीचा वापर करु शकता. त्यासाठी सर्वात पहिले तुम्हाला डीएनडीचा पर्याय ऑन करावा लागणार आहे. हा पर्याय ऑन करताच तुम्हाला फालतू फोन किंवा स्पॅम कॉल्स येणे काही अंशी कमी होणार आहेत.
स्टेप 2
तुमच्या नंबरवर जास्त प्रमाणात फ्रॉड कॉल्स येत असतील तर तुम्ही ते नंबर ब्लॉक करुन टाका. जेणेकरुन पुन्हा त्या नंबरवरुन सतत फोन येणार नाहीत. तसंच, स्पॅम नंबरवरुन येणाऱ्या फोन कॉलला कधीच उत्तर देऊ नका. अन्यथा आर्थिक फटका बसू शकतो.
स्टेप 3
आजकाल स्मार्टफोनमध्ये एक इनबिल्ड फिचर देण्यात येते. ‘कॉलर आयडी अँड स्पॅम’. हे फिचर ऑन केल्यानंतर कॉल आल्यास तो स्पॅम आहे की नाही हे कळू शकणार आहे. अशावेळी तुम्ही स्पॅम कॉल उचलणे टाळू शकणार आहेत. व तिथल्या तिथेच नंबर ब्लॉक करु शकणार आहात. हे फिचर गुगल फोन अ‍ॅपच्या माध्यमातून दिले जाते.
