कॉर्न भेळ बनवण्यासाठी बाजारात अजूनही कॉर्न (मका) मिळतो आहे. त्यामुळे भाजून खाण्याच्याव्यतिरिक्त हि देखील रेसिपी तुम्हाला नक्की आवडेल. खाऊ गल्लीमध्ये तुम्ही कॉर्नभेळ नक्कीच खाल्ली असेल. मका फार पौष्टीक असतो. या मध्ये फॅट, कार्बोहायड्रेट, प्रथिनं, फायबर सह महत्वाचे व्हिटॅमिन आणि खनिज मुबलक प्रमाणात आढळतात. यामुळे हे शरीरासाठी आवश्यक असणारे पोषक घटक पुरवतात. चला तर मग पाहुयात घरच्या घरी चटपटीत झणझणीत कॉर्न भेळ कशी बनावता येईल.
साहित्य : मक्याचे दाणे (सोलून घ्या) , लिंबू , तिखट, चाट मसाला, पिठी साखर, टोमॅटो, कांदा, बारीक शेव, डाळिंब
कृती : मक्याचे दाणे चांगले फुगून येतील असे वाफवून घ्या. तो पर्यंत कांदा, टोमॅटो बारीक चिरून घ्या. या कॉर्नला निथळून घ्या. आता त्यात या दोन्ही भाज्या घाला. त्यावर तिखट, मीठ,पिठीसाखर चिमूटभर, चाट मसाला घाला. हे सर्व चांगले मिक्स करून घ्या. यावर आता बारीक शेव, डाळिंब घालून वरून लिंबू पिळा . चटपटीत कॉर्न भेळ तयार आहे.
