पुणे : काल मध्यराञी १२•१० वाजता (दिनांक १३•०१•२०२३) अग्निशमन दलाच्या नियंत्रण कक्षात सिहंगड रस्त्यावर राजाराम पुल येथे एमएनजीएल कंपनीची गॅस पाईपलाईनने पेट घेतला असून मदत पाठवा. त्याचवेळी जनता व एरंडवणा अग्निशमन केंद्र येथून अग्निशमन वाहन रवाना करण्यात आले व त्याचवेळी एमएनजीएल कंपनीच्या अधिकार्यांशी संपर्क साधून घटनेची माहिती कळवण्यात आली.
@PMCPuneupdate मध्यराञी 12:10 वाजता सिहंगड रस्ता राजाराम पुलावर #mnglgaspipelineला लागलेली आग आटोक्यात.तिथेच आजूबाजूला ०३ ठिकाणी आग पसरल्याने आग विझवण्याचे अग्निशमन दलाचे शर्थीचे प्रयत्न. #mnglgas चे मुख्य अधिकारी व कर्मचारी दाखल होऊन त्यांनी संबंधित विविध लाईन बंद केले #punefire pic.twitter.com/nt2Pw9y6cC
— TOP NEWS MARATHI (@Topnewsmarathi) January 13, 2023
घटनास्थळी पोहोचताच सदर ठिकाणी रस्त्याच्या कडेला एका ठिकाणी आगीच्या मोठ्या ज्वाळा दिसताच जवानांनी प्रथम सतर्कता बाळगत पाण्याचा मारा फवारणी (स्प्रे) स्वरुपात सुरू करत फोमचा ही वापर करण्यात आला. त्याचवेळी अचानक एकाच चौकामधे तीन ठिकाणी आग पसरल्याने धोका निर्माण झाला असल्याने अग्निशमन मुख्यालयातून अजून एक अग्निशमन वाहन व जंम्बो वॉटर टँकरची अतिरिक्त मदत मागवण्यात आली. तसेच सदर ठिकाणी वायुदाब हा १२ बार असल्याचे एमएनजीएल कंपनीच्या अधिकारयांनी सांगितले व तो दाब हळूहळू कमी करत राजाराम पुल व पर्वती जलशुध्दीकरण केंद्र येथील मुख्य झडप बंद केला असल्याचे संबंधिताकडून सांगण्यात आले.
त्यानंतर तीन ही ठिकाणी अग्निशमन दलाच्या जवानांकडून पाण्याचा मारा सुरू ठेवण्यात आला आणि वायुदाब कमी होत पहाटे चार वाजता ०२ बार वायुदाब झाल्याने आगीचे प्रमाण कमी होत दलाच्या जवानांनी आग पुर्ण विझवत पुढील धोका टाळला. सुदैवाने या घटनेमधे कोणी जखमी झाले नसून कुठलीही जिवितहानी झाली नाही. सदर ठिकाणी महावितरणकडून खोदाईचे काम सुरु असताना ही घटना घडली असा प्राथमिक अंदाज आहे.
या कामगिरीत अग्निशमन अधिकारी राजेश जगताप, गजानन पाथ्रुडकर, पंकज जगताप, सुभाष जाधव व तांडेल राजाराम केदारी, अनंता जाधव, संदिप घडशी व जवान छगन मोरे, शफीक सय्यद, महेंद्र सकपाळ, शैलेश दवणे यांनी सहभाग घेत मोठा अनर्थ टाळला.
काल राञी ११•१० वाजता (दिनांक १२•०१•२०२३) नरहे धायरी रस्ता, भोसले इंडस्ट्रीज येथे आग लागल्याची अग्निशमन नियंत्रण कक्षात वर्दि मिळताच सिहंगड अग्निशमन केंद्र येथून अग्निशमन वाहन रवाना करण्यात आले. त्याचवेळी पीएमआरडीए अग्निशमन केंद्र येथून ही वाहन पाठविण्यात आले.
@PMCPune नरहे गाव, श्री कंट्रोल चौक येथे एका भंगार मालाच्या गोडाऊनला आग; पुणे व पीएमआरडीए अग्निशमन दलाची १० अग्निशमन वाहने दाखल. आग विझवण्याचे काम सुरू #punefire pic.twitter.com/G1tS7qClPy
— TOP NEWS MARATHI (@Topnewsmarathi) January 13, 2023
घटनास्थळी पोहोचताच सदर ठिकाणी पञ्याचे शेड असलेल्या ०२ गोडाऊनमधे आगीच्या मोठ्या ज्वाळा असून आग मोठी असल्याचे जवानांच्या निदर्शनास येताच मुख्यालयातून अतिरिक्त मदत मागवण्यात आली. जवानांनी तातडीने पाण्याचा मारा सुरु करुन आग विझवण्याचा प्रयत्न करीत आतमधे कोणी अडकले आहे का याचा ही शोध घेतला. आतमधे कोणी अडकले नसल्याची खाञी करून पुढे सुमारे तासाभरात आग आटोक्यात आणत पहाटे आग पुर्ण विझवली. तसेच शेजारीच असणारया दोन उंच इमारतीकडे आग कशी पसरणार नाही याची दक्षता घेत जवानांनी आपले कर्तव्य चोख बजावले.
या आगीमधे दोन भंगार मालाचे गोडाऊन पुर्ण जळाले असून आतमधे मोठ्या प्रमाणात प्लास्टिकचे साहित्य असल्याचे निदर्शनास आले. तसेच शेजारील दोन इमारतींचे ही काही प्रमाणात नुकसान झाले. आगीचे नेमके कारण समजू शकले नाही. पुणे व पीएमआरडीए अग्निशमन दलाकडून एकुण १० अग्निशमन वाहने व काही खाजगी पाण्याचे टँकर आणि जेसीबीचा वापर केला गेला.
या कामगिरीत अग्निशमन अधिकारी गजानन पाथ्रुडकर, प्रभाकर उम्राटकर, प्रकाश गोरे तसेच तांडेल पांडुरंग तांबे व जवान नितिन मोकाशी संजू चव्हाण व इतर जवानांनी सहभाग घेतला. सदर घटनेत कोणीही जखमी वा जिवितहानी नाही.
