पुणे : पुण्यात एटीएस आणि एनआयएच्या पथकाने कारवाई करत कोंढवा येथून पॉप्युलर फ्रंट ऑफ इंडियाच्या काही कार्यकर्त्यांना अटक केली होती. या विरोधात पुण्यात शुक्रवारी जिल्हाधिकारी कार्यालयासमोर इस्लामिक संघटनेच्या वतीने निषेध आंदोलन करण्यात आले होते.
या आंदोलनात सहभागी झालेल्यांना पोलिसांनी ताब्यात घेतले होते. ताब्यात घेतल्यानंतर काही आंदोलनकर्त्यानी यावेळी “पाकिस्तान जिंदाबाद” अशा घोषणा दिल्या. या घटनेचा व्हिडिओ आता सोशल मीडियावर व्हायरल होत आहे. या सदर्भातील बातम्या विविध न्युज पोर्टल व वाहिन्यांवरून प्रसिद्ध होत आहेत.
पुणे इस्लामिक दहशदवादी हालचालींचे ठिकाण होत आहे . तसेच महाराष्ट्रात मोठ्या प्रमाणावर पाकिस्तानी आणि बांगलादेशी इस्लामिक घुसखोर रहातात हे मनसे सातत्याने सांगत आहे व पाकिस्तानी आणि बांगलादेशी घुसखोर देशातून हाकलून दया या साठी सातत्याने आंदोलने करीत आहे तसेच पुणे पिंपरी चिंचवड शहरात अनेक ठिकाणी इस्लामिक मूलतत्ववादी आश्रयाला असतात हे सांगत आहे. परंतू कारवाई होत नाही . एकूणच पुणे इस्लामिक दहशवाद्यांकडून गढ बनवला गेला आहे असे चित्र काल परवाच्या घटने ने निर्माण झाले आहे .
त्यामुळे इथे जर इस्लामिक मूलतत्ववादी “पाकिस्तान जिंदाबाद ” च्या घोषणा देत असतील तर हिदुजननायक आदरणीय राजसाहेब ठाकरे यांनी दिलेल्या आदेशानुसार देश रक्षणार्थ “हर हर महादेव “म्हणत महाराष्ट्र सैनिक उद्या रविवार दुपारी १ वाजता टिळक चौक ( अलका टॉकीज चौक ) येथे मनसे नेते सरचिटणीस उपाध्यक्ष शहरातील सर्व पदाधिकारी यांच्या उपस्थितीत निदर्शन करणार आहे . मनसे प्रदेश सरचिटणीस अजय शिंदे यांनी सांगितले आहे