HEALTH WELTH : हवामान बदलले की अनेकांना सर्दी-पडशाचा त्रास होत असतो ज्यांची कफ प्रकृती असते त्यांना हा त्रास अधिक जाणवतो तर अनेकांना सर्दी गेल्यानंतर कोरडा खोकला होतो. या कोरड्या खोकल्याची उबळ ही खूप त्रासदायक होते. एकदा खोकल्याची उबळ आली की ती पाणी प्यायले तरीही लवकर थांबत नाही. या कोरड्या खोकल्यावर आज तुम्हाला काही घरगुती उपाय सांगणार आहे. ज्यामुळे तुम्हाला नक्की आराम मिळेल सातत्याने हा त्रास होत असेल तर या घरगुती आयुर्वेदिक उपायांसह योग्य वैद्यकीय सल्ला अवश्य घ्यावा.
१. आले स्वच्छ धुवून किसून घ्यावे किंवा अगदी पातळ बारीक चकत्या कराव्यात यावर काळे मीठ टाकावे हे चाटण दिवसभरातून दोन ते तीन वेळा जिभेखाली अवश्य धरा याने आराम मिळू शकतो.
२. दोन कप पाणी घ्यावे या पाण्यामध्ये तुळशीची सात-आठ पाने स्वच्छ धुऊन टाकावीत त्यानंतर दोन लवंगा दोन काळीमिरी बारीक आल्याचा तुकडा एक वेलची आणि एक चमचा गूळ घालून पाणी दोन कप चे एक कप होईपर्यंत उकळा हा काढा गाळून गळा शकत प्या खूप आराम मिळेल.
३. आणखीन एक सोपा उपाय आहे तो म्हणजे लवंग आणि मधाचा यासाठी तव्यावर काही लवंगा भाजून घरात ठेवल्या तर उत्तमच उबळ आल्यानंतर ही लवंग मधामध्ये घोळून जिभेखाली धरा खोकला थांबण्यास मदत होईल.
४. हळदीचे दूध पिणे हा उपाय तुम्ही यापूर्वीही बऱ्याच वेळा ऐकला असेल परंतु अनेक जण हे हळदीचे दूध बनवताना गल्लत करतात आणि हळदीचे कण घशात अडकल्याची तक्रार देखील करतात लक्षात ठेवा हळदीचे दूध बनवताना पातेल्यामध्ये दूध घातल्यानंतर एक कप दुधामध्ये एक चिमूटभर हळद घालायची आहे आणि हे मिश्रण चांगले उकळवून घ्यायचे आहे आधी दूध उकळून कपात घेतल्यानंतर वरून हळद घालून हलवू नका हळद दुधामध्ये चांगली विरघळू द्या हा देखील सर्वोत्तम उपाय आहे.
तुम्हाला हे उपाय कसे वाटले हे आम्हाला कमेंट करून नक्की कळवा
