मुंबई : भारत पाकिस्तान (IND vs PAK) सामना म्हणजे क्रिकेट रसिकांसाठी ती एक मेजवानीच असते. दोन्ही पारंपरिक देश समोरासमोर आले कि चाहत्यांमध्ये एक वेगळाच उत्साह आणि जोश असतो. जगभरातील कोट्यवधी क्रिकेटप्रेमी या दोन्ही देशांमधील सामन्याची आतुरतेने वाट बघत असतात. या दोन्ही संघांचा विचार केला तर भारत नेहमी वरचढ राहिला आहे. टी 20 वर्ल्ड कपमध्ये (T-20 World Cup) एकदाच पाकिस्तानी टीमने भारतावर विजय मिळवला आहे.
भारत-पाक सामना ‘या’ स्टेडियमवर रंगणार
आगामी आयसीसी एकदिवसीय विश्वचषक 2023 (ICC World Cup 2023) भारतात होणार आहे. तो यावर्षी ऑक्टोबर आणि नोव्हेंबरमध्ये खेळला जाऊ शकतो. यंदाच्या वनडे वर्ल्डकप मधील भारत पाकिस्तान सामना अहमदाबादच्या नरेंद्र मोदी स्टेडियममध्ये (Narendra Modi Stadium) खेळवला जाणार आहे. नरेंद्र मोदी स्टेडियम हे जगातील सर्वात मोठ स्टेडियम आहे. 1 लाख प्रेक्षकांना सामावून घेण्याची क्षमता या स्टेडियममध्ये आहे. त्यामुळे BCCI कडून या स्टेडियमची निवड करण्यात आली आहे.
या वर्ल्डकपचे अद्याप वेळापत्रक (Time Table) जाहीर करण्यात आलेले नाही. सध्या सुरू असलेली इंडियन प्रीमियर लीग (IPL) संपल्यानंतर बीसीसीआय विश्वचषकाचे वेळापत्रक जाहीर करणार असल्याची माहिती देण्यात आली आहे. या वर्ल्डकपमध्ये एकूण 48 सामने होतील. यामध्ये बाद फेरीचे तीन राऊंड होतील. यंदाची वर्ल्ड कप स्पर्धा 46 दिवस चालणार आहे.