सुनील छेत्री : भारतीय फुटबॉल टीमचा लोकप्रिय खेळाडू आणि कर्णधार सुनील छेत्रीने त्याच्या चाहत्यांना मोठा धक्का देत कुवेतविरुद्धच्या फिफा वर्ल्डकप पात्रता फेरीनंतर आंतरराष्ट्रीय फुटबॉलमधून निवृत्ती घेण्याची घोषणा केली आहे. 39 वर्षीय छेत्रीने त्याच्या 20 वर्षांच्या कारकिर्दीत भारतासाठी 145 सामने खेळले असून 93 गोल केले आहेत.
सुनील छेत्रीने गुरुवारी त्याच्या निवृत्तीची घोषणा केली असून त्याने 6 जून रोजी कुवेत विरुद्ध फिफा वर्ल्डकप 2026 पात्रता फेरीनंतर आंतरराष्ट्रीय फुटबॉलमधून निवृत्ती घेणार असल्याची घोषणा केली आहे. छेत्री कडून या संधर्भात सोशल मीडिया प्लॅटफॉर्म X वर एक व्हिडीओ पोस्ट करून माहिती दिली आहे.
I'd like to say something… pic.twitter.com/xwXbDi95WV
— Sunil Chhetri (@chetrisunil11) May 16, 2024
नेमके काय म्हटले व्हिडीओ मध्ये?
सुनीलने सुमारे 9 मिनिटांच्या व्हिडिओ पोस्ट करून निवृत्तीच्या निर्णयाबद्दल माहिती दिली. या सोशल मीडियावर शेअर केलेल्या व्हिडिओमध्ये सुनीलने लिहिले की, मला तुम्हाला काही सांगायचे आहे. छेत्री त्याच्या निवृत्तीच्या व्हिडिओमध्ये भावूक झालेला दिसत असून या व्हिडीओमध्ये त्याने त्याच्या डेब्यू सामन्यांच्या आठवणींची आठवण करून दिली आहे. यावेळी त्याला सुखी सरांची आठवण झाली, जे त्याचे पहिले राष्ट्रीय टीमचे प्रशिक्षक होते.
छेत्रीने सांगितले की, “मी माझा पहिला सामना खेळलो तो मला अजूनही आठवत आहे. माझा पहिला सामना, माझा पहिला गोल, हा माझ्या प्रवासातील सर्वात संस्मरणीय क्षण होता आणि मुळात मला कधीच वाटलं नव्हतं की, मी भारतासाठी इतके सामने खेळेन. मी या निर्णयाबाबत पहिल्यांदा माझ्या आई-वडिलांना सांगितल्यानंतर माझी बायको मात्र रडू लागली आणि वडिलांना या निर्णयाचा आनंद झाला. मी आईला म्हणालो की, तू मला नेहमी म्हणत होतीस की, मला खेळताना पाहून तुला खूप दडपण येते मात्र आता तसे होणार नसून मी भारतासाठी पुन्हा खेळणार नाही मग तू का रडतेय, असंही छेत्रीने या व्हिडीओमध्ये म्हटले आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Pune News : भाजपाचे माजी आमदार विश्वास गांगुर्डे यांचे निधन; ७८ व्या वर्षी घेतला अखेरचा श्वास