आशिया चषकाच्या सुपर 4 सामन्यात पाकिस्तान संघाला (Pakistan Team) श्रीलंकेकडून दोन विकेटने निसटता पराभव स्वीकारावा लागला. अखेरच्या चेंडूपर्यंत रंगलेल्या सामन्यात श्रीलंकेने पाकिस्तानचा पराभव केला. श्रीलंकेच्या विजयामुळे पाकिस्तान संघाचे आशिया चषकातील आव्हान संपुष्टात आले आहे. हा पराभव पाकिस्तानच्या चांगलाच जिव्हारी लागला आहे. कारण भारत आणि श्रीलंका यांच्याकडून लागोपाठ दोन सामन्यात झालेल्या पराभवाचा फटका पाकिस्तानला बसला आहे. यामुळे आयसीसी क्रमवारीत पाकिस्तानची घसरण झाली आहे.
आयसीसीच्या ताज्या क्रमवारीनुसार भारतीय संघाने दुसऱ्या स्थानावर झेप घेतली आहे. ऑस्ट्रेलियाचा संघ पहिल्या स्थानावर आहे. पाकिस्तानच्या संघाची तिसऱ्या स्थानावर घसरण झाली आहे. पाकिस्तान संघाचे सध्या 3102 पॉइंट्स आणि 115 रेटिंग आहे. तर दुसऱ्या क्रमांकावर असणाऱ्या टीम इंडियाचे 4516 पॉइंट्स आणि 116 रेटिंग गुण आहेत. पहिल्या स्थानावर असणाऱ्या ऑस्ट्रेलियाकडे 3061 पॉइंट्स आणि 118 रेटिंग गुण आहेत. इंग्लंडचा संघ चौथ्या तर न्यूझीलंड पाचव्या स्थानावर आहे.