मुंबई : आयपीएल 2024 स्पर्धेतील फायनलचा (KKR vs SRH) सामना सुरू व्हायला अवघे काही तास शिल्लक राहिले आहेत. ही फायनल कोलकाता नाईट रायडर्स आणि सनरायझर्स हैदराबाद यांच्यात होणार आहे. हा सामना चेन्नईच्या चेपॉक मैदानावर रंगणार आहे. या स्टेडियमवरील खेळपट्टी फिरकी गोलंदाजीसाठी अनुकूल आहे. दोन्ही संघांमध्ये चुरशीची लढत रंगणार यात काहीच शंका नाही.
कसे असेल फायनल सामन्याचे वातावरण
एक्युवेदरने दिलेल्या रिपोर्टनुसार केकेआर विरुद्ध हैदराबाद यांच्यातील सामन्यावेळी सायंकाळी ढगाळ वातावरण राहील. पावसाची शक्यता कमी आहे. सायंकाळी तापमान 32 आणि 33 डिग्री सेल्सियस इतकं राहील असा अंदाज व्यक्त करण्यात आला आहे. शनिवारी ज्या पद्धतीने पाऊस झाला आणि केकेआरचं सराव सत्र रद्द करावं लागलं तसं रविवारी झाल्यास काय असा प्रश्न चाहत्यांना पडला आहे. मात्र चाहत्यांसाठी आनंदाची बातमी असून फायनलवेळी पाऊस पडला तरी सामन्यासाठी राखीव दिवस ठेवला आहे. रविवारी सामना होऊ शकला नाही तर तो सोमवारी खेळवला जाईल.
कशी आहे दोन्ही संघाची एकमेकांविरोधातील कामगिरी
आयपीएलच्या यंदाच्या हंगामात केकेआर आणि सनरायजर्स हैदराबाद तिसऱ्यांदा आमने-सामने येणार आहेत. याआधी दोन्ही लीग फेरीत दोनवेळा भिडले आहेत. दोन्ही वेळा केकेआरने सनरायजर्स हैदराबादला हरवलं. क्वालिफायर एक सामन्यात केकेआरने हैदराबादविरुद्ध 4 विकेट राखून विजय मिळवला. आता केकेआर तिसऱ्यांदा विजेतेपद पटकावण्यासाठी उत्सुक आहे तर हैदराबाद दुसऱ्यांदा विजेतेपद पटकावण्याच्या इराद्याने मैदानात उतरेल. त्यामुळे आता या दोन्ही संघात कोण बाजी मारणार हे पाहणे महत्वाचे असणार आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
IPL Final : IPL फायनलमध्ये ‘या’ 5 खेळाडूंच्या कामगिरीवर असणार सगळ्यांचे लक्ष
Sanjay Raut : गडकरींच्या पराभवासाठी मोदी-शहा-फडणवीसांनी प्रयत्न केले; संजय राऊतांचा खळबळजनक दावा
Buldhana Accident : शिर्डीवरून परतणाऱ्या भाविकांच्या स्कॉर्पिओचा भीषण अपघात
Baby Care Center : दिल्ली हादरली ! बेबी केअर सेंटरला लागली भीषण आग; 7 नवजात बाळांचा मृत्यू
