आयपीएल 2024 स्पर्धेतील फायनलचा (IPL Final) सामना सुरू व्हायला अवघे काही तास शिल्लक राहिले आहेत. ही फायनल कोलकाता नाईट रायडर्स आणि सनरायझर्स हैदराबाद यांच्यात होणार आहे. हा सामना चेन्नईच्या चेपॉक मैदानावर रंगणार आहे. या स्टेडियमवरील खेळपट्टी फिरकी गोलंदाजीसाठी अनुकूल आहे. दोन्ही संघांमध्ये चुरशीची लढत रंगणार यात काहीच शंका नाही. दरम्यान दोन्ही संघात 5 असे खेळाडू आहेत जे आपल्या संघाला ट्रॉफी जिंकून देण्यात मोलाची भूमिका बजावू शकतात. आता हे 5 खेळाडू कोण आहेत त्यांचबद्दल थोडक्यात जाणून घेऊया…
1) सुनील नरेन
कोलकाता नाईट रायडर्स संघाला आयपीएलची ट्रॉफी जिंकायची असेल तर सुनील नरेनवर मोठी जबाबदारी असणार आहे. संपूर्ण हंगामात त्याने गोलंदाजी आणि फलंदाजीने शानदार कामगिरी केली आहे. फलंदाजी करताना त्याने 13 सामन्यांमध्ये 482 धावा केल्या आहेत. यासह गोलंदाजीतही त्याची धार पाहायला मिळाली आहे. त्याने 13 सामन्यांमध्ये 13 गडी बाद केले आहेत. यादरम्यान त्याने शतकी खेळीही केली आहे.
2) अभिषेक शर्मा
सनरायझर्स हैदराबादला आयपीएलची ट्रॉफी जिंकायची असेल तर अभिषेक शर्माची बॅट तळपणं अतिशय गरजेचं आहे. आतापर्यंत त्याने फलंदाजीत आणि गोलंदाजीत शानदार कामगिरी केली आहे. मात्र गेल्या दोन सामन्यांमध्ये त्याला चांगली सुरुवात करून देता आलेली नाही. त्यामुळे फायनलच्या सामन्यात त्याच्यावर चांगली सुरुवात करून देण्याची मोठी जबाबदारी असणार आहे.
3) श्रेयस अय्यर
हैदराबादला पराभूत करायचं असेल तर श्रेयस अय्यरला फलंदाजीसह चांगला प्लान घेऊन मैदानात उतरावं लागणार आहे. मध्यक्रमात त्याला विकेट सांभाळून धावा कराव्या लागणार आहेत. त्यामुळे या सामन्यात जबाबदारी घेऊन खेळावं लागेल. त्याने या हंगामातील 14 सामन्यांमध्ये 345 धावा केल्या आहेत.
4) पॅट कमिन्स
सनरायझर्स हैदराबाद जर ही ट्रॉफी जिंकायची असेल कमिन्सला गोलंदाजीत चांगली कामगिरी करावी लागेल. कारण कर्णधार म्हणून तो उत्तम आहे. मात्र कोलकाता नाईट रायडर्स संघाला कमीत कमी धावांवर रोखण्यासाठी कमिन्सने विकेट्स काढून देणं अतिशय गरजेचं आहे.
5) हेनरिक क्लासेन
हैदराबादला जर मोठी धावसंख्या उभारायची असेल तर हेनरिक क्लासेनला मैदानावर टीचून फलंदाजी करावी लागेल. क्लासेनने आतापर्यंत खेळलेल्या 15 सामन्यांमध्ये 42 च्या सरासरीने 463 धावा केल्या आहेत. रॉयल चॅलेंजर्स बंगळुरू संघाविरुद्ध झालेल्या सामन्यातही त्याने महत्वपूर्ण खेळी केली होती.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Sanjay Raut : गडकरींच्या पराभवासाठी मोदी-शहा-फडणवीसांनी प्रयत्न केले; संजय राऊतांचा खळबळजनक दावा
Buldhana Accident : शिर्डीवरून परतणाऱ्या भाविकांच्या स्कॉर्पिओचा भीषण अपघात
Baby Care Center : दिल्ली हादरली ! बेबी केअर सेंटरला लागली भीषण आग; 7 नवजात बाळांचा मृत्यू