चेन्नई : वृत्तसंस्था – आयपीएल 2024 स्पर्धेतील फायनलचा (KKR vs SRH) सामना सुरू व्हायला अवघे काही तास शिल्लक राहिले आहेत. ही फायनल कोलकाता नाईट रायडर्स आणि सनरायझर्स हैदराबाद यांच्यात होणार आहे. हा सामना चेन्नईच्या चेपॉक मैदानावर रंगणार आहे. या स्टेडियमवरील खेळपट्टी फिरकी गोलंदाजीसाठी अनुकूल आहे. दोन्ही संघांमध्ये चुरशीची लढत रंगणार यात काहीच शंका नाही.
सामन्यावर पावसाचे संकट
एक्युवेदरने दिलेल्या रिपोर्टनुसार केकेआर विरुद्ध हैदराबाद यांच्यातील सामन्यावेळी सायंकाळी ढगाळ वातावरण राहील. पावसाची शक्यता कमी आहे. सायंकाळी तापमान 32 आणि 33 डिग्री सेल्सियस इतकं राहील असा अंदाज व्यक्त करण्यात आला आहे. शनिवारी ज्या पद्धतीने पाऊस झाला आणि केकेआरचं सराव सत्र रद्द करावं लागलं तसं रविवारी झाल्यास काय असा प्रश्न चाहत्यांना पडला आहे. मात्र चाहत्यांसाठी आनंदाची बातमी असून फायनलवेळी पाऊस पडला तरी सामन्यासाठी राखीव दिवस ठेवला आहे. रविवारी सामना होऊ शकला नाही तर तो सोमवारी खेळवला जाईल.
… तर केकेआरला एकही बॉल न खेळता मिळणार विजेतेपद
राखीव दिवशी देखील पाऊस झाल्यास पाच पाच ओव्हरची मॅच खेळवली जाऊ शकते. जर तेही शक्य नसेल तर एक सुपर ओव्हर खेळवली जाईल. सुपर ओव्हर देखील खेळवणं शक्य झालं नाही तर केकेआरला एकही बॉल न खेळता विजेते घोषित करण्यात येईल.
कोणत्या बेसिसवर विजेता घोषित होणार
पाऊस आणि अन्य कारणांमुळं आयपीएल फायनल होऊ शकत नसेल तर विजेता तर ठरवावाच लागणार आहे. त्यामुळं आयपीएल मॅनेजमेंट लीग स्टेजमध्ये गुणतालिकेत पहिल्या स्थानावर असलेल्या केकेआरला विजेतेपद देऊ शकतात. केकेआरनं त्यांच्या लीग स्टेजमधील 14 मॅचमध्ये 9 सामन्यांमध्ये विजय मिळवला आहे. त्यामुळं त्यांच्याकडे 18 आणि दोन मॅचेस रदद् झाल्यानं त्यांचे प्रत्येकी एक एक गुण असे 20 गुण आहेत. तर, दुसरीकडे सनरायजर्स हैदराबादकडे 17 गुण आहेत. त्यामुळं पावसामुळं मॅच होऊच शकत नाही, अशी स्थिती झाल्यास केकेआरला विजेतेपद दिलं जाऊ शकतं.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
KKR vs SRH : IPL Final मध्ये कसे असेल हवामान? कोणत्या संघाचे पारडे राहणार जड?
IPL Final : IPL फायनलमध्ये ‘या’ 5 खेळाडूंच्या कामगिरीवर असणार सगळ्यांचे लक्ष
Sanjay Raut : गडकरींच्या पराभवासाठी मोदी-शहा-फडणवीसांनी प्रयत्न केले; संजय राऊतांचा खळबळजनक दावा
Buldhana Accident : शिर्डीवरून परतणाऱ्या भाविकांच्या स्कॉर्पिओचा भीषण अपघात
Baby Care Center : दिल्ली हादरली ! बेबी केअर सेंटरला लागली भीषण आग; 7 नवजात बाळांचा मृत्यू