मुंबई : इंडियन प्रीमिअर लीगच्या 17 व्या हंगामाला 22 मार्चपासून (IPL 2024) सुरु होणार आहे. हे पर्व सुरु होण्याअगोदर सनरायझर्स हैदराबादच्या संघाने मोठी घोषणा केली आहे. सनरायझर्स हैदराबादच्या संघाने आयपीएल 2024 साठीचा नवा कर्णधार जाहीर केला आहे. ऑस्ट्रेलियन संघाचा कसोटी आणि एकदिवसीय सामन्यांमधील कर्णधार पॅट कमिन्सकडे सनरायझर्स’च्या संघाने कर्णधारपदाची धुरा सोपवली आहे.
काय आहे ट्विटमध्ये?
सनरायझर्स हैदराबादच्या संघाने ट्वीटरवरुन ही घोषणा केली आहे. “ऑरेंज आर्मी, आयपीएल 2024 साठी आपला नवीन कर्णधार पॅट कमिन्स”, अशा कॅप्शनसहीत फोटो शेअर केला आहे. कमिन्सने दक्षिण आफ्रिकेच्या एडन मार्करमची जागा घेतली आहे. कमिन्स हा सनरायझर्स हैदराबादचा 10 वा कर्णधार असणार आहे.
#OrangeArmy! Our new skipper Pat Cummins 🧡#IPL2024 pic.twitter.com/ODNY9pdlEf
— SunRisers Hyderabad (@SunRisers) March 4, 2024
पॅट कमिन्सची आंतरराष्ट्रीय आणि IPL कारकीर्द
कमिन्ससाठी सनरायझर्स हैदराबादने तब्बल 20.5 कोटी रुपये यंदाच्या आयपीएल लिलावात खर्च केले आहेत. कमिन्सच्या नेतृत्वाखाली ऑस्ट्रेलियन संघाने 2023 मध्ये आयसीसीच्या दोन स्पर्धा जिंकल्या. वर्ल्ड टेस्ट चॅम्पियनशीप आणि एकदिवसीय क्रिकेट वर्ल्ड कपची स्पर्धा ऑस्ट्रेलियाने कमिन्सच्या नेतृत्वाखालीच जिंकली. दोन्ही स्पर्धांच्या अंतिम सामन्यात ऑस्ट्रेलियाने भारताचा पराभव केला आहे. पॅट कमिन्स हा उत्तम अष्टपैलू खेळाडू आहे. 2023 मध्ये कमिन्स एकूण 24 सामने खेळाला. त्याने यात 422 धावा केल्या आणि 59 विकेट्स घेतल्या होत्या.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Rinku Rajguru : सैराट फेम रिंकू राजगुरुला धक्काबुक्की; Video आला समोर
Pune Traffic Diversion : वाहतूक कोंडी सोडवण्यासाठी उद्यापासून पुण्यात अवजड वाहनांना बंदी
Latur Accident : लातूर-नांदेड महामार्गावर कारचा भीषण अपघात; देवदर्शनासाठी निघालेल्या 4 जणांचा मृत्यू
Road Accident : लग्नाला निघालेल्या वऱ्हाडाच्या गाडीचा भीषण अपघात; 3 जणांचा मृत्यू