भारत आणि वेस्ट इंडिज यांच्यामध्ये (Ind vs WI 3rd ODI) सध्या वनडे सिरीज सुरु असून उद्या सिरीजमधील (Ind vs WI 3rd ODI) तिसरा आणि निर्णायक सामना खेळवण्यात येणार आहे. सध्या या मालिकेत दोन्ही संघानी 1-1 सामना जिंकले आहेत. दुसऱ्या वनडे सामन्यात कर्णधार रोहित शर्मा आणि विराट कोहली यांना विश्रांती देण्यात आली होती. यामुळे टीम इंडियाला या सामन्यात पराभवाचा सामना करावा लागला होता. त्यामुळे आता सिरीज जिंकण्यासाठी निर्णायक सामन्यात रोहित शर्मा आणि विराट कोहली कमबॅक करणार हे निश्चित मानले जात आहे.
वनडे वर्ल्डकपसाठी टीम इंडिया काही नवीन प्रयोग करताना दिसत आहे. टीम इंडियात इशान किशनकडे विकेटकीपिंगची जबाबदारी देण्यात येईल. वेस्ट इंडिजविरूद्धच्या दोन्ही सामन्यांमध्ये इशानने चांगली कामगिरी करत अर्धशतके झळकावली आहेत. पहिल्या सामन्यात 52 आणि दुसऱ्या सामन्यात 55 रन्स केलेत. दरम्यान स्वतःचं स्थान तयार करण्यासाठी सूर्यकुमार यादवला आणखी एक संधी दिली जाऊ शकते. हार्दिक पांड्याला सहाव्या क्रमांकावर खेळवले जाऊ शकते.
‘या’ खेळाडूंना मिळणार डच्चू?
दुसऱ्या वनडे सामन्यात (Ind vs WI 3rd ODI) अखेर संजू सॅमसनला संधी देण्यात आली होती. मात्र त्याला दुहेरी धावसंख्याही गाठता आली नाही. या सोबत अक्षर पटेल आणि उमरान मलिक यांना डच्चू मिळण्याची शक्यता आहे. टीम इंडियाकडे या दौऱ्यावर अनुभवी वेगवान गोलंदाजीची कमतरता आहे. शार्दुलने दोन्ही सामन्यात चांगली गोलंदाजी केली आहे. कुलदीप यादव आणि रवींद्र जडेजाकडे स्पिनिंगची जबाबदारी असणार आहे.
तिसऱ्या वनडेसाठी टीम इंडियाची संभाव्य प्लेईंग 11
रोहित शर्मा (कर्णधार), शुभमन गिल, विराट कोहली, ईशान किशन, हार्दिक पांड्या, सूर्यकुमार यादव, रवींद्र जडेजा, कुलदीप यादव, मुकेश कुमार, जयदेव उनादकट, शार्दुल ठाकुर
