भारत आणि वेस्ट इंडिज यांच्यातील टी-20 मालिकेतील पहिला सामना (IND vs WI 1st T20) काल पार पडला. या सामन्यात वेस्ट इंडिजने भारतावर निसटता विजय मिळवला. या विजयासह वेस्ट इंडिजने पाच सामन्यांच्या मालिकेत 1-0 अशी आघाडी (IND vs WI 1st T20) घेतली आहे. या सामन्यात वेस्ट इंडिजने नाणेफेक जिंकून प्रथम फलंदाजी करताना 20 षटकांत 149 धावा केल्या. प्रत्युत्तरात टीम इंडियाला फक्त 145 धावा करता आल्या. या सामन्यात भारताचा पराभव झाला असला तरी मुकेश कुमारने एक खास विक्रम आपल्या नावावर केला आहे. असा कारनामा करणारा तो दुसरा भारतीय खेळाडू ठरला आहे.
काय आहे तो विक्रम?
त्रिनिदादमध्ये खेळल्या गेलेल्या पहिल्या टी-20 सामन्यात भारतीय संघाकडून दोन खेळाडूंनी पदार्पण केले. या सामन्यात मुकेश कुमार आणि तिलक वर्मा यांना पदार्पणाची कॅप मिळली. या सामन्यापूर्वी (IND vs WI 1st T20) भारताची टी-20 कॅप मिळवून, वेगवान गोलंदाज मुकेश कुमारने एक विक्रम केला, जो त्याच्या आधीच फक्त एका भारतीय क्रिकेटरच्या नावावर होता. आता तो दोघांच्या नावावर झाला आहे.
💬 "Be proud of yourself."
Huddle talk from captain Hardik Pandya as Tilak Varma & Mukesh Kumar make their T20I debuts 🧢#TeamIndia | #WIvIND | @hardikpandya7 | @yuzi_chahal | @TilakV9 pic.twitter.com/yd0G3qctG2
— BCCI (@BCCI) August 3, 2023
मुकेश कुमारने एकाच दौऱ्यात कसोटी, एकदिवसीय आणि नंतर टी-20 आंतरराष्ट्रीय पदार्पण करणारा मुकेश हा दुसरा भारतीय क्रिकेटपटू ठरला आहे. हा कारनामा यॉर्कर स्पेशालिस्ट टी नटराजनने केला होता. त्याने 2020-21 मध्ये भारताच्या ऑस्ट्रेलिया दौऱ्यावर तिन्ही फॉरमॅटमध्ये पदार्पण केले होते. त्याने आपल्या पहिल्या टी-20 सामन्यात 3 षटके गोलंदाजी करताना 24 धावा दिल्या.