नवी दिल्ली : वृत्तसंस्था – भारतात सुरु असलेल्या आयसीसी एकदिवसीय विश्वचषक स्पर्धेत (ICC Ranking) टीम इंडियाचा कर्णधार रोहित शर्मा सध्या जबरदस्त फॉर्ममध्ये आहे. तीन सामन्यात रोहितने 217 धावा केल्या आहेत. सध्या तो भारताकडून सर्वाधिक धावा करणारा खेळाडू आहे. त्याच्या या कामगिरीचा त्याला फायदा झाला आहे. रोहित शर्माने आयसीसी एकदिवसीय क्रमवारीत मोठी झेप घेतली आहे. 10 ऑक्टोबरला जारी केलेल्या एकदिवसीय क्रमवारीत रोहित शर्मा 11 व्या स्थानावर होता. पण आता ताज्या क्रमवारीनुसार रोहित शर्माने पाच स्थानांची झेप घेतली आहे. आयसीसीने जारी केलेल्या ताज्या क्रमवारीत रोहित शर्मा थेट सहाव्या स्थानावर पोहोचला आहे.
Big movement at the top of the @MRFWorldwide ODI Player Rankings for a host of @cricketworldcup stars 💥#CWC23https://t.co/oK31QUOz75
— ICC (@ICC) October 18, 2023
आयसीसीच्या ताज्या एकदिवसीय क्रमवारीत टॉप 10 मध्ये भारताचे तीन फलंदाज आहेत. टीम इंडियाचा सलामीचा युवा फलंदाज शुभमन गिल या यादीत दुसऱ्या क्रमांकावर आहे. तर रोहित शर्मा सहाव्या स्थानावर आहे. भारताचा स्टार फलंदाज विराट कोहली नवव्या स्थानावर आहे. याशिवाय आयसीसी कसोटी क्रमवारीत टॉप टेनमध्ये रोहित शर्मा हा एकमेव भारतीय फलंदाज आहे.
आयसीसी क्रमवारीत पाकिस्तानचा कर्णधार बाबर आझम अव्वल स्थानावर आहे. बाबर आझमच्या नावावर 836 पॉईंट जमा आहेत. या विश्वचषकात बाबर आझमला अद्याप सुर गवसलेला नाही. बाबर आझम 836 पॉईंटसह अव्वल स्थानी आहे तर 818 पॉईंटसह शुभमन गिल दुसऱ्या स्थानावर आहे. क्विंटन डिकॉक तिसऱ्या, रासी वेन डेर डूसेने चौथ्या, तर हॅरी टेक्टर पाचव्या स्थानावर आहे. रोहित शर्मा 719 पॉईंटसह सहाव्या क्रमांवर आहे. तर विराट कोहली 711 पॉईंटसह नवव्या स्थानावर आहे. सध्या रोहित शर्माचा फॉर्म बघता बाबर आझमची अव्वल स्थानावरून घसरण होण्याची शक्यता आहे. आपलं अव्वल स्थान कायम राखण्यासाठी बाबर आझमला चांगली कामगिरी करावी लागणार आहे.
