नवी दिल्ली : वृत्तसंस्था – आशिया चषक (Asia Cup 2023) अवघ्या काही दिवसांवर येऊन ठेपला आहे. 30 ऑगस्टपासून आशिया चषकाला (Asia Cup 2023) सुरुवात होणार आहे. काही दिवसांपूर्वीच आशिया चषकाचे वेळापत्रक जारी करण्यात आले होते. यंदाचा आशिया चषक एकदिवसीय स्वरुपामध्ये खेळवण्यात येणार आहे. यंदाचा आशिया चषक पाकिस्तान आणि श्रीलंका या 2 देशांमध्ये खेळवला जाणार आहे. हाती आलेल्या माहितीनुसार, आशिया चषकादरम्यान भारतीय क्रिकेट संघाच्या जर्सीवर पाकिस्तानचं नाव छापलं जाण्याची शक्यता आहे.
भारतीय क्रिकेट टीमच्या जर्सीवर पाकिस्तानचं नाव असण्याची ही पहिलीच वेळ असेल. 30 ऑगस्टपासून आशिया चषकाला सुरुवात होणार आहे. या स्पर्धेतील काही सामने पाकिस्तानमध्ये आणि उर्वरित सामने श्रीलंकेत खेळवले जाणार आहे. या स्पर्धेचा मुख्य यजमान पाकिस्तान आहे. परंतु भारताने पाकिस्तानात सामने खेळण्यास नकार दिला आहे. भारतीय संघ या स्पर्धेतील आपले सर्व सामने श्रीलंकेत खेळणार आहे.
पाकिस्तान हा आशिया चषकाचा (Asia Cup 2023) मुख्य यजमान आहे. त्यामुळे स्पर्धेत सहभागी संघांना आपल्या जर्सीवर पाकिस्तानचं नाव लिहावं लागेल. त्यामुळेच भारतीय संघाच्या जर्सीवर पाकिस्तानचं नाव लिहिलं जाण्याची शक्यता आहे. भारताच्या जर्सीवर पाकिस्तानचं नाव आशिया कपच्या लोगोच्या खाली असेल. मात्र, याबाबत कोणतीही अधिकृत माहिती देण्यात आलेली नाही.