दिव्यांची अमावस्या : आषाढ महिन्याच्या अमावास्या तिथीला घरातील, देव घरातील धातूच्या दिव्यांची पूजा केली जाते. यासाठी दिवे स्वच्छ घासून, उजळवले जातात. त्यांची पूजा केली जाते. पुरणाचा नैवेद्य केला जातो. काही कुटुंबात बाजरीच्या पिठाचे किंवा कणकेचे दिवे केले जातात आणि त्यांची पूजा केली जाते. दिव्याची अमावास्या भिल्ल या आदिवासी जमातीत विशेषत्वाने साजरी केली जाते.
हिंदू धर्मामध्ये दीप पूजनाचे एक विशेष महत्त्व आहे अंधकार दूर करून प्रकाश उजळून घरातील अपप्रवृत्ती वाईट विचार दूर व्हाव्यात घरात सुख समृद्धी नांदावी या भावनेने आज दिव्यांची पूजा केली जाते यासाठी आज घरातील सर्व दिवे स्वच्छ धुऊन घ्या हे सर्व दिवे स्वच्छ पुसून कोरडे करा आणि दुहेरी कापसाची वात घालून तेल तूप भरून एका पाटावर मांडावेत. सकाळी या दिव्यांना गंध अक्षता अत्तर आणि फुलांनी पुजावे सायंकाळी तिन्ही सांजेच्या वेळी हे दिवे प्रवजवलीत करावेत आणि त्यांसमोर ,
‘‘हे दीप, तू सूर्यरूप व अग्निरूप आहेस. तेजा मध्ये तू उत्तम तेज आहेस. माझ्या पूजेचा तू स्वीकार कर आणि माझ्या सर्व इच्छा पूर्ण कर.’’.
अर्थात हे दीप तू सूर्य रूप आणि अग्नीरूप आहेस तेजामध्ये तू उत्तम तेज आहेस माझ्या पूजेचा तू स्वीकार कर आणि माझ्या सर्व इच्छा पूर्ण कर असा या श्लोकाचा अर्थ आहे
