प्रतापगडाच्या पायथ्याशी असलेल्या अफजल खानाच्या कबरी जवळ आणखी तीन कबरी आढळून आल्यानं खळबळ उडालीये. या तीन कबरी नेमक्या कुणाच्या आहेत, याचं गूढ वाढत चाललं असतानाच यातली तिसरी कबर खानाचा वकील कृष्णाजी भास्कर कुलकर्णी याची असावी, असा दावा संभाजी ब्रिगेडचे संतोष शिंदे यांनी केलाय.
10 नोव्हेंबर रोजी शिवप्रताप दिनी प्रतापगडाच्या पायथ्याशी असलेल्या अफझलखानाच्या कबरीजवळील अतिक्रमण हटवण्यात आलं मात्र ही कारवाई सुरू असताना तिथं आणखी तीन कबरी आढळून आल्या. त्यामुळं या तीन कबरी नेमक्या कुणाच्या असा सवाल आता उपस्थित होऊ लागलाय. साताऱ्याचे जिल्हाधिकारी रुतेश जयवंशी यांनीही या माहितीला दुजोरा दिला असून यासंबंधी आणखी माहिती घेण्याचं काम महसूल प्रशासन करत असल्याचं त्यांनी सांगितलं. दरम्यान, प्रतापगडावर सापडलेली तिसरी कबर कृष्णाजी भास्कर कुलकर्णी’ची असल्याचा दावा संभाजी ब्रिगेडचे संतोष शिंदे यांनी केलाय.