जन्माष्टमी विशेष : जन्माष्टमीच्या दिवशी नैवेद्य म्हणून बनवला जातो तो म्हणजे गोपालकाला… अगदी साध्या सोप्या पद्धतीने बनवला जाणारा हा पदार्थ चवीला देखील तितकाच छान लागतो . तर मग आपल्या बाळकृष्णाला नैवेद्य अर्पण करण्यासाठी गोपालकाला बनवण्याची सोपी पद्धत आज तुम्हाला सांगणार आहे . तर मग सुरुवातीला पाहूयात साहित्य…
साहित्य : एक वाटी पोहे, एक वाटी लाह्या , एक वाटी मुरमुरे , एक वाटी दही , मीठ , मिरच्या , कोथिंबीर , साखर
कृती :
- सर्वात प्रथम पोहे भिजवून घ्यावेत . ज्या पद्धतीने आपण पोहे बनवताना भिजवून निथळून घेतो त्याच पद्धतीने पोहे स्वच्छ धुऊन त्यास निथळून घ्या .
- तोपर्यंत मिक्सरमध्ये तीन तिखट मिरच्या , बारीक आल्याचा तुकडा घालून बारीक वाटून घ्या .
- आता यामध्ये मुरमुरे , लाह्या , भिजवलेले पोहे , कोथिंबीर आणि चवीनुसार मीठ घालून खडबडीत वाटा . अर्थात हे मिश्रण पूर्ण बारीक करून घ्यायचे नाहीये .
- आता हे मिश्रण एका बाऊलमध्ये काढून घ्या . यामध्ये अर्धा चमचा साखर घाला आणि एक वाटी दही घालून हे संपूर्ण मिश्रण एकजीव करून घ्या .
तयार आहे ‘ गोपालकाला ‘