पावसाळा म्हणलं की थंड हवेच्या ठिकाणी फिरायला पसंती दिली जाते. धबधबे, डोंगर, थंड हवा, रिमझिम पावसाच्या सरी अशा ठिकाणी पर्यटक पावसाळ्यात फिरायला जातात. पुण्यात आणि पुण्यापासून काही अंतरावर अशी अनेक प्रसिद्ध ठिकाणं आहेत जिथे पावसाळ्यात पर्यटकांची गर्दी पाहायला मिळते. खास करून सुट्टीच्या दिवशी शनिवारी आणि रविवारी प्रचंड गर्दी पर्यटक करतात.
पवना लेक:
पवना नदीवर बांधण्यात आलेल्या पवना धारणामध्ये पवना लेक इथे अनेक पर्यटक वॉटरस्पोर्ट, फिशिंग आणि कॅम्पिंग करण्यासाठी येतात.
लोणावळा:
लोणावळा हे प्रसिद्ध पर्यटन स्थळ असून पावसाळ्यात हिरवेगार डोंगर, धबधबे, दऱ्या तसेच किल्ले या गोष्टींमुळे सौंदर्य खुलते. देशभरातून पर्यटक लोणावळ्याला येतात. पॅराग्लायडिंग तसेच बंजी जंपिंगमुळे पर्यटकांमध्ये आकर्षणाचे केंद्रबिंदू झाले.
सिंहगड:
पुण्यात प्रसिद्ध ऐतिहासिक ठिकाणांपैकी एक असलेले सिंहगड पर्यटकांचे आवडते ठिकाण आहे. सिंहगडावर गिर्यारोहण करण्याचा आनंद घेण्यासाठी पर्यटक येथे येतात. सिंहगड महाराष्ट्रातील किल्ल्यांपैकी प्रसिद्ध किल्ला आहे.
भीमाशंकर:
बारा ज्योतिर्लिगांपकी सहावं ज्योतिर्लिगापैकी एक म्हणजे पुण्यातलं भीमाशंकर! धार्मिक पर्यटन स्थळ असून येथे पावसाळ्यात अजूनच या ठिकाणची शोभा वाढते. पर्यटक पावसाळ्यात या ठिकाणाला पसंती देतात.
माळशेज घाट:
पुण्यातील माळशेज घाट आपल्या सौंदर्याने पर्यटकांना आकर्षित करणारे प्रसिद्ध ठिकाण आहे. या ठिकाणी घनदाट जंगल, खोल दऱ्या, धबधबे आणि औषधी वनस्पतींनी सज्ज असलेले डोंगर पाहायला मिळतात. समुद्रसपाटीपासून माळशेज घाट केवळ ७५० मीटर उंचीवर आहे.