मुंबई : 22 जानेवारीला अयोध्येमध्ये रामलल्लांची प्राणप्रतिष्ठा (Ram Mandir) होणार आहे. हा दिवस भारतीयांसाठी केवळ ऐतिहासिक असाच नाही, तर धर्मिकदृष्ट्या ही खूप महत्त्वाचा असणार आहे. या दिवशी पंतप्रधान नरेंद्र मोदींच्या हस्ते रामलल्लाच्या मूर्तीची विधिवत पूजा करून प्राणप्रतिष्ठा करण्यात येणार आहे. या सोहळ्यासाठी तुम्हाला अयोध्येत जाणं शक्य नसेल, तर तुम्ही तुमच्या घरी प्रभू श्रीरामाची पूजा करून रामलल्लाला प्रसन्न करू शकता. आता ही पूजा कशाप्रकारे करायची याबद्दल आज थोडक्यात माहिती जाणून घेऊया…
22 जानेवारीला तुमच्या घरी कशाप्रकारे कराल प्रभू श्रीरामाची पूजा
सर्वात प्रथम तुमच्या घरातील देवघराची स्वच्छता करा. त्यानंतर घरातील सर्व सदस्यांनी आंघोळ करून स्वच्छ कपडे परिधान करावेत. आता चौरंग किंवा पाटावर लाल कापड टाका, व प्रभू श्रीरामाची मूर्ती किंवा फोटो त्यावर उपाय ठेवा. श्रीरामाचा आशीर्वाद घेण्यासाठी श्रीरामाची पूजा सुरू करण्यापूर्वी हनुमानाची पूजा करा, व लाल वस्त्र अर्पण करा. कारण असं मानलं जातं की, हनुमानाच्या पूजेशिवाय भगवान श्रीरामाचे आशीर्वाद मिळत नाही.
यानंतर प्रभू श्रीरामाच्या मूर्तीला अभिषेक करा, पंचामृताने स्नान घाला. पुन्हा साध्या पाण्यानं मूर्तीला स्नान घाला. आता श्रीरामाला धूप, दीप, फुलं अर्पण करा, गंध लावा. श्रीरामाच्या नैवेद्यात मिठाई आणि सुकामेवा ठेवा. रामजन्म स्तुती म्हणत पूजा सुरू करा. प्रभू रामाची पूजा करताना तुम्ही रामरक्षास्तोत्र म्हणू शकता. रामस्तोत्र पठण केल्यानं रामाचा आशीर्वाद नेहमी तुमच्यावर राहील. रामाच्या आरतीनं पूजेची सांगता करा. तुम्ही रामचरितमानस देखील म्हणू शकता किंवा तुमच्या घरी रामायण पठण आयोजित करू शकता. तसेच प्राणप्रतिष्ठेच्या दिवशी संध्याकाळी घराच्या दारात, अंगणात दिवे लावा.
पूजा करण्याच्या अगोदर या गोष्टींची काळजी घ्या
घरामध्ये प्रभू श्रीरामाची पूजा करण्यापूर्वी घरामध्येही स्वच्छता ठेवा. देवघर पूर्णपणे स्वच्छ करा. देवघरात कोणत्याही प्रकारची धूळ नसावी. देवघरातील सर्व मूर्तींना स्नान घालावे. देवाचे फोटो स्वच्छ पुसावेत. देवघराच्या सभोवतालची जागा पूर्णपणे स्वच्छ करावी. घरातील ईशान्य कोपरा स्वच्छ करा. असं केल्यानं घरात सकारात्मक ऊर्जा येते.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Bus Accident : नाशिकमध्ये प्रवाशांनी भरलेल्या बसचा भीषण अपघात
Ram Mandir : कोण आहे कांबळे दाम्पत्य? ज्यांना महाराष्ट्रातून मिळाला रामलल्लांच्या महापुजेचा मान
Kangana Ranaut : ‘अयोध्या म्हणजे आपली व्हॅटिकन सिटी…’, कंगणा राणावतचे वक्तव्य
Amit Shah : भारत-म्यानमार सीमेवरील मुक्तसंचार बंद; गृहमंत्री अमित शाहांची मोठी घोषणा
IPLची टायटल स्पॉन्सरशिप टाटाकडेच; 5 वर्षांसाठी मोजले ‘एवढे’ कोटी
Sharad Pawar : ‘नवरा जर रुबाब करत असेल तर..’ शरद पवारांनी महिलांना दिला ‘हा’ सल्ला
Viral Video : गुलाबी शरारा फेम ‘त्या’ शिक्षिकेने राम लल्लाच्या गाण्यावर धरला विद्यार्थांसोबत ठेका
Tea : चहा पिण्याची योग्य वेळ आणि पद्धत कोणती आहे?
Satara News : खळबळजनक ! राजवाडा परिसरात अर्धनग्नावस्थेत आढळला जळालेला मृतदेह