नवी दिल्ली,- गुगलने नवी मोठी घोषणा केली आहे. गुगल सर्चमधून फोन नंबर, ईमेल, अॅड्रेस हटवण्यासाठी परवानगी दिली आहे. लोकांच्या संवेदनशील माहितीचा दुरुपयोग समाज विघातक व्यक्तींकडून होऊ नये. या गोष्टींना पायबंद घालण्यासाठी गुगलने हा महत्वपूर्ण निर्णय घेतला आहे. Google ने लोकांना काही संवेदनशील, वैयक्तिकरित्या ओळखण्यायोग्य माहिती सर्चमधून हटवण्याची परवानगी दिली आहे.
गुगल सर्चचे ग्लोबल पॉलिसी प्रमुख मिशेल चांग यांनी सांगितलं, की इंटरनेट सतत विकसित होत आहे. त्याद्वारे माहिती अनपेक्षित ठिकाणी येणं आणि ती नवीन मार्गांनी वापरणं यामुळे आमची धोरणं आणि सुरक्षितता देखील विकसित होणं आवश्यक आहे. जर कंटेंट सार्वजनिक वेबसाइटवर रेकॉर्ड म्हणून लिस्ट असेल तर तो काढला जाणार नाही अशी माहितीही चांग यांनी दिली आहे.
रिपोर्टनुसार, बऱ्याच वेबसाइट अशी सेवा देतात दिथे एखादी व्यक्ती सदस्यता घेऊ शकते किंवा इतरांचे ईमेल आणि फोन नंबर मिळवण्यासाठी पैसे पेमेंट करू शकतात. अशा बहुतेक प्रकरणांमध्ये माहिती बेकायदेशीरपणे शेअर केली जाते आणि Google द्वारे शोधली जाऊ शकते.
Google ब्लॉगमध्ये दिलेल्या माहितीनुसार, गुगलची नवी पॉलिसी अशी माहिती हटवण्याची परवानगी देते, जी सर्च रिझल्टमध्ये दिसल्यास गोपनीय लॉग-इन क्रेडेंशियलसारख्या डिटेल्स चोरी होण्याचा धोका निर्माण करते.