पुणे : गुरुवारी पुणे शहरातील पाणीपुरवठा बंद राहणार आहे . त्याचप्रमाणे शुक्रवारी उशिरा आणि कमी दाबाने पाणीपुरवठा होण्याची शक्यता असल्याची माहिती पुणे महापालिकेच्या पाणीपुरवठा विभागाच्या वतीने देण्यात आली आहे. महाराष्ट्र राज्य वीज वितरण आणि पारेशन कंपनीच्या कामासाठी पर्वती जल केंद्र आणि लष्कर जल केंद्र येथे देखभाल दुरुस्तीची कामे करण्यात येणार असल्यामुळे गुरुवारी शहरास पाणीपुरवठा बंद राहणार आहे.
पर्वती जलकेंद्र मधून शहरातील सर्व पेठा, दत्तवाडी ,राजेंद्र नगर ,लोकमान्य नगर ,डेक्कन ,शिवाजीनगर ,स्वारगेट ,पर्वती ,मुकुंद नगर पर्वती गाव, सहकार नगर ,सातारा रोड ,पद्मावती ,बिबवेवाडी ,तळजाई ,कात्रज, धनकवडी ,इंदिरानगर परिसर ,कर्वे रोड ,एसएनडीटी परिसर एरंडवणा ,कोथरूड परिसर ,डहाणूकर कॉलनी ,कर्वेनगर ,लॉ कॉलेज रोड, सेमिनरी झोनवरील मिठा नगर ,शिवनेरी नगर ,भाग्योदय नगर, ज्ञानेश्वर नगर ,साईबाबा नगर या भागांना पाणीपुरवठा होत असतो तो गुरुवारी होणार नाही याची नोंद या परिसरातील नागरिकांनी घ्यायची आहे .
त्याचप्रमाणे लष्कर जलकेंद्र भागामध्ये लष्कर भाग ,पुणे स्टेशन, मुळा रस्ता ,कोरेगाव पार्क ,ताडीवाला रस्ता, रेस कोर्स परिसर ,वानवडी कोंढवा, हडपसर ,मोहम्मद वाडी ,काळेपडळ ,मुंढवा ,येरवडा परिसर ,विश्रांतवाडी ,नगर रस्ता ,कल्याणी नगर, महाराष्ट्र हाऊसिंग बोर्ड कॉलनी ,वडगाव शेरी ,चंदन नगर ,खराडी ,सोलापूर रस्ता, गोंधळेनगर, सातव वाडी या भागाला लष्कर जलकेंद्रातून पाणीपुरवठा गुरुवारी होऊ शकणार नाही . याची नोंद या परिसरातील नागरिकांनी घ्यायची आहे.