पुणे महापालिकेच्या वतीने गोवर आजारावर प्रतिबंधात्मक उपाय म्हणून विशेष लसीकरण मोहीम सुरू आहे. लहान मुलांसाठी असलेल्या गोवर रुबेला लसीकरणाची दुसरी फेरी 15 ते 25 जानेवारी या कालावधीत राबवण्यात येणार आहे.
केंद्र व राज्य सरकारच्या मार्गदर्शक सूचनेनुसार पुणे महापालिकेच्या कार्यक्षेत्रात गोवर स्वेना आजारावर प्रतिबंधात्मक उपाययोजना करण्यात येत आहे.
त्यानुसार शहरातील 9 महिने ते 5 वर्ष वयोगटातील सर्व बालकांना गोवर रुबेला लसीकरण करण्यात येणार आहे. पुणे महापालिका प्रशासनाच्या सर्व रुग्णालयात ही लसीकरण मोहीम सुरू केली असल्याच महापालिका आयुक्त विक्रमकुमार यांनी सांगितलं आहे.
महापालिकेच्या सर्व दवाखान्यात 15 ते 25 जानेवारी या कालावधीत संपूर्ण शहरात लसीकरण मोहीम राबवली जाणार आहे.
ज्या बालकांनी या लसीचा डोस घेतला नाही त्यांच्या पालकांनी नजीकच्या महापालिका दवाखान्यात बाह्य लसीकरण सत्रात जाऊन लस द्यावी असं आवाहन महापालिकेने केलं आहे.
