पुणे- पुणे महानगरपालिकेच्या जाहीर झालेल्या प्रारूप प्रभाग रचनेच्या हरकती सूचनांच्या सुनावणीसाठी निवडणूक आयोगाने यशदाचे महासंचालक एस चोक्कलिंगम यांची प्राधिकृत अधिकारी म्हणून म्हणून नियुक्ती केली आहे.
महापालिकेच्या प्रभाग रचना नियमबाह्य आणि राजकीय हस्तक्षेप करून मोठया प्रमाणात तोडफोड करून केली गेली असल्याचे आरोप प्रत्यारोप सुरू आहेत. त्यातच, या प्रभाग रचनेवरून राष्ट्रवादी वगळता सर्वच राजकीय पक्षांनी नियमबाह्य प्रभाग रचनेचा आरोप करत विरोध केला आहे.
शिस्तप्रिय, कडक, राजकीय दबावाला न जुमानता नियमानुसार काम करणारे अधिकारी अशी एस.चोक्कलिंगम यांची ओळख आहे. 14 फेब्रुवारीपर्यंत प्रारूप प्रभाग रचनेच्या हरकती सूचना नोंदवण्यात येणार असून 24 फेब्रुवारीला सुनावणी होणार आहे.
