पुणे शहरात ‘पुणे प्लॉगेथॉन 2022′ चे आयोजन करण्यात आले होते. रविवारी झालेल्या पुणे प्लॉगेथॉन मेगा ड्राईव्ह अंतर्गत एकूण 1,53,198 नागरिकांनी सहभाग नोंदवला होता. नागरिकांनी यामध्ये सहभागी होण्यासाठी ऑनलाइन नोंदणी करण्यात आली आहे. एशिया आणि इंडिया बुक ऑफ रेकॉर्डसमध्ये पुणे शहराने विक्रमी नोंद केली आहे.
प्लॉगेथॉन ही मूळची स्वीडीश संकल्पना आहे. खासदार सुप्रिया सुळे यांचे हस्ते डॉ. खेमनार यांना एशिया आणि इंडिया बुक ऑफ रेकॉर्डचे मेडल आणि प्रमाणपत्र प्रदान करण्यात आले.
महापालिकेच्या सर्व क्षेत्रीय कार्यालयांतर्गत नागरिकांनी सहभाग घेतला होता. शहरातील विविध ठिकाणी हा उपक्रम राबविण्यात आला. या उपक्रमात अनेक अधिकारी उपस्थित झाले होते. अधिकाऱ्यांसह अनेक अभिनेत्यांनी देखील या अभिनयात सहभाग नोंदवला होता.
या उपक्रमांतर्गत एकूण 34,477 किलो कचरा संकलित करण्यात आला. यावेळी 753 किलो ई कचरा, 29,870 किलो प्लॅस्टिक कचरा, 3,854 किलो इतर कचरा संकलित करण्यात आला. कार्यक्रमाची सुरुवात महापालिकेच्या इमारती पासून झाली आणि सांगता भिडे पूल येथे झाली. अतिरिक्त आयुक्त डॉ. कुणाल खेमनार यांनी प्रास्ताविक केले.