पुणे : अयोध्येतील राममंदिराच्या (Ram Mandir) गर्भगृहात आज रामलल्लाची मूर्ती स्थापित करण्यात आली असून 22 तारखेला या मूर्तीची प्राण प्रतिष्ठा केली जाणार आहे. या सोहळ्यासाठी संपूर्ण अयोध्यानागरी राममय झाली आहे. या दिवशी उत्तप्रदेश, मध्यप्रदेश, गोवा, छत्तीसगड या राज्यात सुट्टी जाहीर करण्यात आली आहे. महाराष्ट्रातही या दिवशी सुट्टी जाहीर करावी अशी मागणी केली जात आहे. या पार्श्वभूमीवर पुण्यात 22 तारखेला चिकन, मटणची दुकानं पूर्णपणे बंद ठेवण्याचा निर्णय घेण्यात आला आहे.
पुणे शहर कुरेशी समाजातील मटण आणि चिकन विक्री दुकाने तसंच सर्व व्यवहार बंद करून, प्रभू श्रीराम प्राणप्रतिष्ठा सोहळ्यानिमित्त लाडू आणि पेढे वाटप करुन या उत्सवात सहभागी होणार आहेत. कुरेशी समाजाच्या वतीने हे जाहीर करण्यात आलं आहे . 22 जानेवारीला अयोध्येत प्रभू श्रीरामाचा प्राण प्रतिष्ठा सोहळा साजरा होणार आहे.अयोध्येमधील रामाच्या प्राणप्रतिष्ठा सोहळयाचा आनंद आणि उत्साह देशभर साजरा केला जात आहे. यासाठी ऑल इंडिया जमीयतुल कुरेश एक्शन कमेटीच्या वतीने 22 जानेवारीला सर्व व्यवहार बंद करून या कार्यक्रमात आनंद उत्साहाने सहभागी होण्याचा निर्णय घेतला आहे, अशी माहिती कुरेशी समाजाचे पश्चिम महाराष्ट्र अध्यक्ष सादिक कुरेशी यांच्याकडून देण्यात आली आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Ajit Pawar : CM शिंदेंच्या गाडीतून फोर्थ सीट प्रवास का केला? अजित पवारांनी केले स्पष्ट
Manoj Jarange : जरांगे पाटलांनी सांगितला तोडगा ! 54 लाख कुणबी प्रमाणपत्र द्या आणि मग…
Vishwas Tamhankar : रा. स्व. संघाचे ज्येष्ठ प्रचारक विश्वास ताम्हणकर यांचे निधन
Vilas Tapkir : धनकवडी भागातील सामाजिक कार्यकर्ते विलास तापकीर यांचे निधन
