पुणे : पुण्यातील वारजे भागामध्ये काल रात्री एक भीषण अपघात (Pune Accident Video) घडला आहे. यामध्ये एका भरधाव कारने दोघांना धडक दिली आहे. ही संपूर्ण घटना त्या ठिकाणी असलेल्या CCTV कॅमेऱ्यात कैद झाली आहे. पुणे-बाहुली मार्गावर एनडीएच्या कोंडावे गेटजवळ एका भरधाव कारने दोन तरुणांना जोरदार धडक दिली. पिकॉक हॉटेलसमोर झालेल्या या भीषण अपघातामध्ये रस्त्याच्या बाजूने चालणारे दोन्ही तरुण गंभीर जखमी झाले आहेत.
कसा घडला अपघात?
गुरुवारी रात्री 9 वाजून 48 मिनिटांनी ही दुर्घटना घडली असून रस्त्याच्या बाजूने दोन तरुण मोबाईलमध्ये पाहत चालत असताना गाड्या जात असल्याचेही व्हिडीओ मध्ये दिसत आहे. रस्त्याच्या कडेने चालणाऱ्या दोघांनाही अचानक एक भरधाव वेगातील कारची धडक इतक्या जोरात बसली की दोघेही काही फुटांपर्यंत उडाले. यामध्ये ते गंभीर जखमी झाले. या जखमी तरुणांना तातडीने रुग्णालयात दाखल करण्यात आले असून त्यांच्यावर उपचार सुरू आहेत. या अपघातानंतर कार चालक घटनास्थळी न थांबता तसाच पुढे निघून गेला.
या प्रकरणामध्ये उत्तम नगर पोलिसांनी तपास सुरु केला आहे. या प्रकरणामध्ये हीट अॅण्ड रनचा गुन्हा दाखल करण्यात आला आहे. या कारचालकाबद्दलची काही माहिती असल्यास ती पोलिसांना देण्याचं आवाहन करण्यात आलं आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Rajashree Patil : चर्चेतील चेहरा : राजश्री पाटील
Pimpari News : चिखलीत भंगाराच्या गोदामाला भीषण आग
Solapur Accident : सोलापूरमध्ये कार आणि दुचाकीचा भीषण अपघात; शिक्षकाचा जागीच मृत्यू
Shrikant Shinde : अखेर ! श्रीकांत शिंदेना उमेदवारी जाहीर; फडणवीसांनी केली घोषणा