पुणे : सिंहगड रस्त्यावरील उड्डाणपुलाचे (Pune Traffic News) काम युद्धपातळीवर सुरू असून, सध्या या कामामुळे रांका ज्वेलर्स ते ब्रम्हा हॉटेलपर्यंत रस्ता रुंद झाला आहे. यामुळे मोठ्या प्रमाणात वाहतूक कोंडी होताना दिसत आहे. सध्या या रस्त्यावरील राजाराम पूल चौकात उड्डाणपुलाचे काम सुरू करण्यात आल्यामुळे चौकातील वाहतुकीत बदल करण्यात आला आहे. हा बदल पुढील 3 महिन्यांसाठी असणार आहे असे महापालिका प्रशासनाकडून सांगण्यात आले आहे.
दोन उड्डाणपूल बनवण्यात येणार
महापालिकेकडून राजाराम पूल ते ‘फन टाइम’पर्यंत दोन उड्डाणपूल उभारण्यात येणार आहे.
स्वारगेटकडून धायरीकडे जाताना विठ्ठल मंदिर कमान ते ‘फन टाइम’पर्यंत दुहेरी पूल आहे.
धायरीकडून स्वारगेटकडे येताना राजाराम पूल चौकात स्वारगेटकडे जाण्याच्या मार्गावर एका बाजूला पूल आहे. यातील स्वारगेटकडे जाणाऱ्या पुलाचे काम वेगाने सुरू आहे.
सिंहगड रस्त्यावर चौकापासून दोन्ही बाजूस पुढे 100 मीटर अंतरावर वाहनांसाठी रस्ता देण्यात आला आहे.
पुढील 3 महिन्यांसाठी पर्यायी व्यवस्था पुढीलप्रमाणे
कर्वेनगरकडून राजाराम पुलावरून आलेल्या वाहनांनी धायरीच्या दिशेने जाण्यासाठी स्वारगेटच्या दिशेने येऊन शारदा मठासमोरील बाजूने उपलब्ध करून देण्यात आलेल्या वळणावरून धायरीकडे जावे.
स्वारगेटकडून कर्वेननगरकडे जाणाऱ्या वाहनांनी राजाराम पूल चौकातून पुढे 100 मीटर जाऊन महापालिकेच्या सांडपाणी शुद्धीकरण केंद्राच्या समोरील बाजूस दिलेल्या पर्यायी वळणावरून पुन्हा राजारामपुलाकडे जावे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Hingoli News : हिंगोली हळहळलं ! नवरा-बायकोचा वाद चिमुकल्यांच्या जीवावर बेतला
Shrirampur News : एजंटकडून सही दिली नाही म्हणून RTO कर्मचाऱ्यावर जीवघेणा हल्ला
Mumbai Airport : खळबळजनक ! मुंबई आंतरराष्ट्रीय विमानतळ बॉम्बने उडवण्याची धमकी