पुणे : पुणे जिल्ह्यातील (Pune News) मुळशी तालुक्यातून एक धक्कादायक घटना समोर आली आहे. यामध्ये मित्रांसोबत पर्यटनासाठी गेलेल्या एका तरुणाचा 1200 फूट खोल दरीतील कुंडात पडून दुर्दैवी मृत्यू झाला आहे. पोहोण्याचा आनंद लुटण्यासाठी आलेल्या या तरुणाला आपला जीव गमवावा लागला आहे. यामुळे त्याच्या कुटुंबियांवर मोठा दुःखाचा डोंगर कोसळला आहे. मुळशी आपत्ती व्यवस्थापन पथकाच्या मदतीने तरुणाचा मृतदेह बाहेर काढण्यात आला आहे.
काय घडले नेमके?
मुळशी तालुक्यातील प्लस व्हॅली येथे पिंपरी चिंचवड शहरातून मित्रांबरोबर पर्यटनासाठी आलेल्या तरुणाचा 1200 फूट खोल दरीतील कुंडात पडून मृत्यू झाला आहे. रोहन विरेश लोणी असे 21 वर्षीय पर्यटकाचे नाव आहे. रोहन हा मूळचा सोलापूर मधील रहिवासी असून सध्या तो पिंपरी चिंचवड येथे वास्तव्यास होता. मंगळवारी तो त्याच्या इतर चार मित्रांबरोबर फिरण्यासाठी प्लस व्हॅली इथे आला होता. त्यावेळी रोहन तिथे असलेल्या कुंडामध्ये पोहता येत नसतानाही पाण्यात उतरला. त्यामुळे तो पाण्यात बुडू लागला हे लक्षात येताच त्याच्या मित्रांनी त्याला वाचवण्याचा प्रयत्न केला पण त्याचा काहीच उपयोग झाला नाही.
या घटनेची माहिती मिळताच घटनास्थळी लोणावळा शिवदुर्ग टीम, मुळशी आपत्ती व्यवस्थापनचे पथक दाखल झाले. त्यांनी 1200 फूट खोल दरीतील कुंडात उतरून मृतदेह बाहेर काढला. घटनेची माहिती मिळताच पौड पोलीस देखील घटनास्थळी दाखल झाले. यानंतर त्यांनी या तरुणाचा मृतदेह बाहेर काढून शवविच्छेदनासाठी पाठवला आहे. आपल्या तरुण मुलाचा असा दुर्दैवी मृत्यू झाल्याने त्याच्या कुटुंबियांना मोठा धक्का बसला आहे.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Santosh Bhaichand Chordia : एकपात्री हास्य कलाकार युवा साथी संतोष भाईचंद चोरडीया यांचे निधन
Ajit Pawar : राज्य सरकारमध्ये अर्थखातं कसं मिळालं? अजित पवारांनी केला मोठा गौप्यस्फोट
Pune Accident : एमआयटी शाळेच्या विद्यार्थ्यांच्या रिक्षाचा भीषण अपघात; 5 विद्यार्थी जखमी
Devendra Fadnavis : ड्रग्ज तस्करांशी हातमिळवणी करणारे पोलिस बडतर्फ होणार; फडणवीसांची मोठी घोषणा
Rupali Chakankar : रुपाली चाकणकरांविरोधात गुन्हा दाखल करा; संभाजी ब्रिगेडची मागणी
Amravati News : अमरावतीमध्ये भीषण अपघात; ट्रॅक्टर पलटी होऊन 20 मजूर जखमी
Weather Update : राज्यात थंडीला सुरुवात; मात्र ‘या’ ठिकाणी आज पडणार पाऊस
Maratha Reservation : राजकीय हस्तक्षेपामुळे मागासवर्ग आयोगाच्या अध्यक्षांचा राजीनामा