पुणे : मागील काही दिवसांपासून नामदेव जाधव नावाचा इसम आदरणीय शरदचंद्रजी पवार साहेबांवर अर्वाच्च भाषेत टीका करत आहे. शाळेत असताना गैरमार्गाने गुण वाढवले म्हणून नामदेव जाधव याला विद्यार्थी, पालक व शाळा प्रशासनाने धक्के मारून शाळेतून हाकलून लावलं होतं. नामदेव जाधवच्या विरोधात विक्रोळी पोलिस स्टेशनमध्ये खंडणीचा गुन्हाही दाखल आहे. सध्या जामीनावर फिरत असलेला नामदेव जाधव राज्य सरकारमधील एका मंत्र्याकडून सुपारी घेऊन आदरणीय शरदचंद्रजी पवार साहेबांवर टीका करत आहे.
नामदेव जाधवच्या हा हेतुतः राज्यात ओबीसी विरूध्द मराठा असा असा संघर्ष उभा करत आहे. 1983 साली पवार साहेब मुख्यमंत्री असताना ओबीसी आरक्षण लागू झालं अशी बतावणी हा नामदेव जाधव करत आहे. वास्तविकतः 1983 साली पवार साहेब विरोधीपक्षनेते होते तर ओबीसी आरक्षण हे 1990 च्या दशकात देण्यात आले आहे. म्हणूनच नामदेव जाधव करत आलेले आरोप खरे असतील तर त्यांनी पुरावे उघड करावेत अन्यथा पवार साहेबांची जाहीर माफी मागावी असा ईशारा आम्ही नामदेव जाधवला दिला होता. अन्यथा त्याच्या तोंडाला काळे फासण्यात येईल अशी पूर्वसूचनाही दिली होती. असे असतानाही नामदेव जाधवने पुरावे सादर केले नाहीत, पवार साहेबांची माफीही मागितली नाही आणि आज एका कार्यक्रमाच्या निमित्ताने तो पुण्यात आला. म्हणून पुणे शहर राष्ट्रवादी काँग्रेस पार्टीच्या कार्यकर्त्यांनी इशारा दिल्याप्रमाणे त्याच्या तोंडाला काळे फासले.
“केवळ प्रसिद्धीसाठी किंवा एखाद्या राजकीय पक्षाकडून सुपारी घेऊन कोणत्याही पुराव्याशिवाय आदरणीय पवार साहेबांवर टीका करणाऱ्या लोकांना आम्ही नामदेव जाधवच्या माध्यमातून इशारा देऊ इच्छितो की यापुढे कोणीही आदरणीय पवार साहेबांची बदनामी करण्याचा प्रयत्न केला तर त्याच्याही तोंडाला काळे फासण्यात येईल.” असा इशारा राष्ट्रवादी काँग्रेस पार्टीचे पुणे शहराध्यक्ष प्रशांत जगताप यांनी दिला.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Indian Army : भारतीय लष्कराची जम्मू – काश्मीरमध्ये मोठी कारवाई; 5 दहशतवादी ठार