पुणे : काही दिवसांत पावसाळा सुरु होईल. या पार्श्वभूमीवर पावसाळा पूर्व कामांसाठी पुणे महानगरपालिकेने कामाचा धडाका सुरु केला आहे. नाला साफसफाई करणे, नाला रूंदीकरण व खोलीकरण करणे, पावसाळी लाईन व चेंबर्स साफसफाई करणे तसेच आवश्यकतेनुसार दुरुस्ती कामे करण्यात येत आहेत.
पुणे महानगरपालिकेमार्फत नाल्यामधील 95 क्रिटिकल स्पॉट पैकी 95 क्रिटिकल स्पॉटची साफसफाई केली असून व 382 कल्व्हर्टस पैकी 382 कल्व्हर्टसची 100% साफसफाई पुर्ण करण्यात आली आहे. एकुण नाल्यांच्या लाबी पैकी आवश्यक असणारी165 कि.मी लांबीच्या नाल्यांची साफसफाई व गाळ काढणे व काही ठिकाणी खोलीकरण करण्यात आलेले आहे.
पुणे शहरातील रस्त्यावर पावसाळ्यात पाणी साचू नये याकरीता दक्षता घेण्यात येत असून आस्तित्वातील चेंबर्स पैकी आवश्यक असणारे 48 हजार चेंबर्समधील गाळ काढला असून 184 कि.मी. लांबीच्या पावसाळी लाईन साफ करण्यात आलेल्या आहेत. तसेच रस्त्यावर पाणी साचु नये म्हणुन फुटपाथचे कडेने नवीन पावसाळी चेंबर्स तयार करून पावसाळी लाईनला जोडण्याची कामे करण्यात येत आहेत. आशा प्रकारे क्रिटीकल स्पॉट, कल्व्हर्टस, नाले साफसफाई व स्टॉर्म वॉटर चेंबर्स व नलिका आवश्यकतेनुसार सर्व साफसफाईची कामे पुर्ण करण्यात आलेली आहे..
पावसाळा कालावधी मध्ये देखील ही साफ सफाईची कार्यवाही सुरू राहणार आहे. याकरीता पुणे मनपा भवन येथे आपत्ती व्यवस्थापन कक्ष स्थापन केला असून त्यासाठी फोन नं. 1) 9689930531 2) 9689935462 या नंबर व्हॉटसअप द्वारे 24X 7 नागरिकांना तक्रार नोंदविता येणार आहे. तसेच पावसाळी कालावधी मध्ये आपत्ती व्यवस्थापने अंतर्गत रात्रीच्या वेळी येणाऱ्या तक्रारींची दखल घेऊन निवारण करणेकरीता कनिष्ठ / शाखा अभियंता यांची नेमणूक करण्यात आलेली आहे. प्रत्येक क्षेत्रिय कार्यालयाचे स्तरावर आपत्ती व्यवस्थापन कक्ष स्थापन करून बिगारी सेवक रात्रपाळीत ठेवण्यात आलेले आहेत.
