पुणे : आज सकाळी 10 वाजताच्या सुमारास कात्रज-कोंढवा रस्ता, केदारेश्वर नगर, पाण्याच्या टाकीजवळ घरामध्ये आग (Pune Fire News) लागल्याची वर्दि मिळताच अग्निशमन दलाकडून 04 अग्निशमन वाहने व 03 वॉटर टँकर रवाना करण्यात आले होते.
घटनास्थळी पोहोचताच जवानांनी पाहिले असता, तेथे झोपड्यांना मोठ्या प्रमाणात आग लागली असल्याचे निदर्शनास येताच जवानांनी चार ही बाजूने पाण्याचा मारा सुरू केला व आग अजून पसरु नये याची खबरदारी घेत सुमारे तीस मिनिटात आग आटोक्यात आणत धोका दुर केला. तसेच या आगीमधे एक गॅस सिलेंडर फुटला आणि इतर सहा सिलेंडर जवानांनी तातडीने बाहेर काढले. आगीमध्ये कोणी अडकले आहेत का याची खात्री केली असता कोणी नसल्याचे समजले. ही आग नेमकी कशामुळे लागली याचे कारण समजू शकले नाही. सदर ठिकाणी एकुण सहा झोपड्या आगीमध्ये पुर्ण जळाल्या. घरामध्ये असलेले सर्व गृहपयोगी साहित्य पुर्ण जळाल्याने मोठे नुकसान झाले. सुदैवाने या दुर्घटनेत कोणीही जखमी झालेले नाही.
या कामगिरीत कोंढवा खुर्द, कोंढवा बुद्रुक, गंगाधाम, काञज अग्निशमन केंद्र येथील अग्निशमन वाहने व मुख्यालयातून वॉटर टँकर तसेच अग्निशमन अधिकारी समीर शेख, सचिन मांडवकर, सुनिल नाईकनवरे यांच्या मार्गदर्शनाखाली सुमारे 20 ते 25 जवानांनी सहभाग घेतला.