PUNE CRIME NEWS : पुणे विमानतळ पोलीस पथकाकडून एक मोठी कारवाई करण्यात आल्याची माहिती समोर येते आहे. राहुल गवळी या सराईत गुन्हेगाराला विमानतळ पोलिसांनी शिताफीनं ताब्यात घेतलं आहे.
मिळालेल्या सविस्तर माहिती नुसार , एअरपोर्टच्या परिसरातून गस्तीवर असलेल्या पोलिसांना पाहून राहुल गवळी हा पळून जात होता. पोलिसांनी त्याचा पाठलाग करून त्याला शिताफीनं ताब्यात घेतल आहे. या आरोपीकडून ५ पिस्टलसह 14 राऊंडचा मोठा शस्त्रसाठा हस्तगत करण्यात आला असल्याची माहिती समोर आली आहे .
दरम्यान राहुल गवळी याच्यावर राज्यात अनेक गुन्हे दाखल असल्याची माहिती देखील मिळते आहे. मूळचा जळगाव जिल्ह्यातील चोपडा या गावचा रहिवासी असून पुण्यात घातपातासाठी तो आला असल्याची माहिती पोलिसांना मिळाली आहे . अधिक तपास विमानतळ पोलीस पथक करत आहे.