पुणे : आयटी अभियंता सौरभ पाटील हत्या प्रकरणात आता एक मोठी अपडेट समोर (Pune Crime News) आली आहे. या हत्येप्रकरणी पोलिसांनी मृत सौरभच्या गावातीलच एकाला अटक (Pune Crime News) करण्यात आली आहे. मृत सौरभ आणि आरोपी यांच्यात काही महिन्यांपूर्वी मोठा वाद झाला होता. त्यातूनच ही हत्या झाल्याची प्राथमिक माहिती समोर आली आहे. पुणे ग्रामीण पोलिसांनी याप्रकरणी आरोपीला अटक केली आहे.
पुणे-नाशिक महामार्गावरील खेड राजगुरुनगर घाटात 6 ऑगस्टला सौरभचा मृतदेह आढळला आणि एकच खळबळ उडाली. आयटी अभियंता सौरभ हा 28 जुलैपासून बेपत्ता होता. त्यानंतर जवळपास नऊ दिवसांनी कुजलेल्या अवस्थेत त्याचा मृतदेह आढळून आला होता. रीरावर जखमांच्या खुणा देखील होत्या. त्यामुळे ही हत्या असल्याचं स्पष्ट झालं होतं. पण सौरभची हत्या कोणी, का आणि कुठे केली? याचा शोध पोलिसांकडून घेतला जात होता. यावेळी ही हत्या त्याच्याच कोपरगावातील एका तरुणाने केल्याचे तपासात उघडकीस आले आहे.सौरभ आणि आरोपीचे एका प्रकरणावरुन वाद होते. काही महिन्यांपूर्वी या दोघांमध्ये मोठी खडाजंगी झाली होती. त्यानंतर सौरभ हिंजवडीतील एका आयटी कंपनीत नोकरीला लागला.मात्र आरोपीच्या मनात त्याच्याबद्दल अजूनही राग होता. याच रागातून त्याने ही हत्या केली आहे.
सौरभ पाटील हा हिंजवडी आयटी पार्क येथील एका कंपनीत कामाला होता. त्याची दुचाकी ही खेड तालुक्यातील होलेवाडी परिसरात आढळली होती. तसेच दुचाकीची चावी जवळ असलेल्या विहिरीच्या कठड्यावर आढळली होती. मात्र तरी देखील त्याचा शोध कुठे लागत नव्हता. अखेर पुणे-नाशिक महामार्गावर असलेल्या सांडभोरवाडी जवळ असलेल्या जुन्या खेड घाटात वन विभागाच्या हद्दीत उतरत्या झाडाझुडपांचे वाढलेल्या गवतातील शेतात सौरभ पाटील यांचा कुजलेल्या अवस्थेत मृतदेह आढळून आला.