पुणे : पुण्यातील वाकड परिसरातून (Pune Crime News) एक धक्कादायक घटना समोर आली आहे. यामध्ये आर्थिक विवंचनेतून एका व्यक्तीने पोटच्या मुलीची हत्या करून स्वतःदेखील आत्महत्या केली आहे. यामुळे परिसरात एकच खळबळ उडाली आहे. ही घटना काळेवाडी येथे आज (मंगळवार) पहाटे पाचच्या सुमारास उघडकीस आली.
काय आहे नेमके प्रकरण?
भाऊसाहेब भानुदास बेदरे (वय-43, रा. गुरुनानक नगर, थेरगाव, मूळ रा. बेदरवाडी, ता. पाटोदा, जि. बीड) असे वडिलांचे तर नंदिनी भाऊसाहेब बेदरे (वय-8) मृत मुलीचे नाव आहे. बेदरे कटुंब मागील 15 वर्षापासून पिंपरी चिंचवड शहरात वास्तव्यास आहे. भाऊसाहेब बेदरे हे खासगी नोकरी करीत होते. मात्र, काही महिन्यांपूर्वी त्यांची नोकरी गेल्याने ते चारचाकी वाहन चालवत होते. परंतु यातून पुरेसे उत्पन्न मिळत नसल्याचे त्यांना आर्थिक चणचण भासत होती.
दरम्यान, भाऊसाहेब यांची पत्नी राजश्री बेदरे या गावी गेल्या होत्या. सोमवारी रात्री त्या गावकडून निघाल्या. पहाटे चार वाजण्याच्या सुमारास त्या शिवाजीनगर येथे आल्या. त्यांनी पतीला फोन करुन गाडी घेऊन येण्यास सांगितले. मात्र, पती न आल्याने त्या घरी आल्या. त्यांवेळी घरात झोपलेल्या 15 वर्षाचा मुलगा आशिष याने घराचा दरवाजा उघडला. यानंतर त्यांनी आपल्या मुलीला जागे करण्याचा प्रयत्न केला मात्र ती उठली नाही. यानंतर त्यांनी घरात पाहिले असता पती भाऊसाहेब यांनी किचनमध्ये गळफास घेऊन आत्महत्या केली होती.
या घटनेची माहिती मिळताच वाकड पोलिसांनी तातडीने घटनास्थळी धाव घेतली. भाऊसाहेब आणि नंदिनी यांना तात्काळ वायसीएम रुग्णालयात हलवण्यात आले. मात्र, डॉक्टरांनी त्या ठिकाणी त्यांना मृत घोषित केले. पोलिसांनी घटनास्थळाचा पंचनामा केला असता त्या ठिकाणी पोलिसांना एक सुसाईट नोट आढळून आली. त्यामध्ये भाऊसाहेब यांनी गावाकडील जागा विकली, मात्र, त्यातून काहीच रक्कम मिळाली नाही, असे लिहिले होते. वाकड पोलीस या प्रकरणाचा पुढील तपास करत आहेत.
नवीन अपडेट मिळवण्यासाठी आमचे WhatsApp Group, facebook page ,Instagram, WhatsApp Channel,Twitter जॉइन करा.
Jyoti Mete : ज्योती मेटे पुण्यात शरद पवारांच्या भेटीला; बीडमधून उमेदवारी मिळणार?
Cricketers : ‘या’ भारतीय क्रिकेटर्सनी निवृत्तीनंतर राजकारणात आजमावले नशीब
BCCI : आयपीएलआधी सर्फराज खान आणि ध्रुव जुरेलला लागली लॉटरी; BCCI ने दिले ‘हे’ मोठे गिफ्ट
Vasant More : मी तेव्हाच मनसे सोडणार होतो: वसंत मोरेंनी केला मोठा गौप्यस्फोट
Pune Crime News : मुलीवरून 2 मित्रांमध्ये झाला वाद; गैरसमजातून मित्राने उचलले ‘हे’ पाऊल
Kolhapur Crime News : कोल्हापूरमध्ये 2 गटांमध्ये तुफान राडा; पोलिसांसमोरच केली दगडफेक